Energjia elektrike është një element i rëndësishëm që ndikon në shumë procese të përditshmërisë tonë familjare e për pasojë përmirëson mirëqenien në shtëpitë tona. Por në të njëjtën kohë, është një çështje shumë e rrezikshme dhe duhet trajtuar.

Është jashtëzakonisht e rëndësishme që t’u jepni njohuri fëmijëve tuaj, në mënyrë që ata të mësojnë se si të jenë të kujdesshëm rreth energjisë elektrike, sidomos pasi prindërit punojnë në kompjutera, dhe për këtë arsye ata janë në kontakt të vazhdueshëm me kabujt, pajisjet, linjat dhe prizat elektrike etj.

Si të edukoni fëmijën tuaj rreth kësaj çështje?

Filloni me Bazat

Marrëdhënia mes trupit të njeriut dhe elektricitetit. Tregoni fëmijëve tuaj se uji dhe metalet janë përçuesit më të mirë të energjisë elektrike. Është thelbësore që t’u tregoni atyre se rreth 60% të trupit të njeriut është ujë dhe për shkak të kësaj trupi është përçues energjisë elektrike. Mësojini atyre që, nëse prekin tela korenti, ekspozohen afër prizave elektrike, vihen në një qark elektrik, ata do të bëhen transportues të energjisë elektrike, e cila lehtë mund të përcillet përmes tyre, gjë që mund t’i dëmtojë ose t’i vrasë. Në të njëjtën kohë, ata duhet të dinë se aparatet elektrike nuk duhen prekur absolutisht me duart e lagura ose gjatë qëndrimit në ujë, sepse energjia elektrike kalon shpejt përmes ujit. Nëse e bëni këtë do t’ju shkaktohet një goditje elektrike që mund të jetë mjaft e dhimbshme.

Rëndësia e izolimit të pajisjeve.

Meqënëse të gjitha pajisjet elektrike kanë një mbulesë izoluese që ndihmojnë në parandalimin e goditjeve elektrike, tregojuni fëmijëve tuaj për rëndësinë e këtyre mbulesave izolimi dhe se ata duhet të sigurohen që këto mbulesa janë gjithmonë funksionale. Nëse zbulojnë se izolimi i ndonjë pajisjeje është dëmtuar ose nuk është i izoluar ata nuk duhet ta prekin pajisjen derisa të izolohet.

Fëmijët duhet të mësohen për sigurinë elektrike sa më herët. Sa më shpejt që fëmijët tuaj të mund të kuptojnë të flasin, mësojini ata për sigurinë elektrike. Fëmijët mund t’i rezistojnë idesë për të mësuar diçka, ose mund të jenë të paduruar dhe të humbasin shpejt fokusin. Le të shqyrtojmë disa mënyra se si t’ua mësoni atyre rrezikun nga korenti.

Përdorni teknologjinë vizuale. Fëmijët e dashurojnë çdo gjë që është vizuale. Kështu në vend që t’u tregoni fëmijëve rreth goditjeve elektrike dhe cilët janë aparatet elektrike, merrini dhe përdorni fotografitë, karikaturat, videot e animuara, video lojërat etj. rreth kësaj çështje. Kjo do t’u tregojë atyre se çfarë duhet të dinë dhe ata do të kenë më pak kuriozitet për të prekur pajisjet elektrike, prizat, instalimet elektrike etj.

Përsëriteni atë që thoni. Mos pretendoni se fëmija do ta mbajë mend atë që u tregoni një herë. Përsëriteni atë që po thoni dhe jepuni mësime të ndryshme disa herë. Fëmijët e vegjël mund t’i kushtojnë vëmendje, por kjo nuk do të thotë se ata do ta kujtojnë atë ose do të kuptojnë çdo gjë herën e parë.

Bëjeni interesante: Nëse nuk i bëni mësimet tuaja interesante të jeni të sigurt se ata nuk po regjistrojnë asgjë. Përdorni teknologjinë për t’i angazhuar dhe për t’i bërë mësimet interesante. Keni përparësi pasi ka burime të pakufizuara dhe mjete që janë në dispozicion në internet.

Sigurohuni që të komunikoni hapur me fëmijët tuaj për sigurinë elektrike. Inkurajoni ata që të bëjnë pyetje.

Lexo edhe: Siguria e femijes brenda shtepise