Pasi bebet tuaja kanë filluar të mësohen pak me ushqimet e ngurta ju mund të filloni t’i kombinoni frutat dhe perimet që ata konsumojnë duke bërë pure me 2 ose 3 përbërës. Për këtë pure kemi zgjedhur një kombinim paksa të pazakontë por shumë të shijshëm dhe shumë të ushqyeshëm.
Përbërësit:
⦁ 2 patate të ëmbla;
⦁ 100 gr fasule të bardha;
⦁ 1 shkop kanelle.
Përgatitja:
1. Si fllim ngrohni furrën në 200 gradë.
2. Më pas mbështillni patatet me letër alumini dhe i fusni në furrë për 40 minuta.
3. Në një tenxhere me ujë, zieni fasulet dhe shkopin e kanellës.
4. Pasi e keni lënë për 5 minuta shkopin e kanellës së bashku me fasulet, e hiqni nga ena dhe i lini fasulet të ziejnë të zbuten aq sa nevojiten.
5. Pastaj i kulloni fasulet por ndërkohë mbani pak nga uji i gatimit.
6. Pasi patatet janë bërë, i lini paksa të ftohen dhe u qëroni lëkurën e tyre.
7. I kaloni patatet në blender së bashku me fasulet dhe 1/3 e shkopit të kanellës.
8. Shtoni pak nga uji i gatimit për t’i dhënë puresë një trajtë më kremoze.
E përshtatshme për bebe +8 muajsh.
Ruhet në mbajtëse hermetike për 3 ditë në frigorifer ose për 3 muaj në ngrirje.
Lexoni dhe: Pure me spinaq, patate dhe te verdhe veze
Për të lënë një koment ju duhet të jeni regjistruar Identifikohu