Lëndët ushqyese që përmban kjo pure janë të shumta, dhe për më tepër janë të përqëndruara në sasi të konsiderueshme.
Disa nga lëndët kryesore ushqyese janë: vitamina A, B2, B6, C, E dhe K, hekuri, proteinat, kaliumi, fibrat, omega -3 dhe antioksidantë. Përveç gjithë këtyre lëndëve ushqyese kjo pure ndihmon në lidhje me konstipacionin, lufton sëmundjet e zemrës dhe kancerin, e gjithashtu ndihmon për të pasur një lëkurë të shëndetshme. Duke konsumuar këtë pure vogëlushi juaj do të bëhet më i shëndetshëm nga dita në ditë.

Përbërësit:

⦁ 4 kumbulla;
⦁ 100 gr me boronica;
⦁ Një dorë me spinaq gjethevogël;
⦁ ¼ filxhani qumësht gjiri ose formule.

Përgatitja:

1. Si fillim kumbullave u hiqni farat dhe i prisni në copa copa.
2. Më pas i hidhni kumbullat në një tenxhere me uji dhe i zieni në temperaturë mesatare për 5 minuta.
3. Pastaj shtoni boronicat dhe spinaqin sipër kumbullave por mos i përzieni.
4. Pas kësaj mbulojini dhe i lini te ziejne për 3 minuta të tjera   .
5. Pasi përbërësit të jenë ftohur mjaftueshëm i kaloni në blender për 30 sekonda.
6. Në fund shtoni qumështin dhe i bëni së bashku pure për 30 sekonda të tjera.

Kjo recetë gatimi është e përshtatshme për bebe +8 muajsh
Ruhet në mbajtëse hermetike për 3 ditë në frigorifer ose për 3 muaj në ngrirje.

Lexoni dhe: Recete per bebe +6muajsh (Pure me tershere, avokado dhe spinaq)