Deri në muajin e 6 të jetës për fëmijën do të ishte mëse e mjaftueshme të ushqehej me qumësht gjiri apo formule dhe më pas mund të fillohen dalëngadalë edhe ushqimet e ngurta. Megjithatë në disa raste mjeku mund të vendosë dhe të fillohet ushqimi më përpara, pra e rëndësishme është të mos e filloni pa aprovimin e tij.
Cilat janë disa nga recetat më të mira të bebes?
Nga muaji i 7
-
Pure me dardhë dhe manaferra të kuqe. I grijmë bashkë dhe mund të ruajmë në ngrirje purenë në vazo qelqi të mbyllur hermetikisht nga 3 ditë deri në 1 muaj.
-
Pure me patate (të zier dhe prerë në copa), bizele dhe kunguj. I frulojmë dhe japim fëmijës. Mund ta ruajmë në ngrirje nga 4 ditë deri në 1 muaj.
-
Banana, mollë, miell tërshëre për fëmijë dhe qumësht gjiri apo formule. I grijmë dhe ruajmë në ngrirje nga 4 ditë deri në 1 muaj. Një alternativë shumë e mirë për mëngjesin e fëmijës.
Nga muaji i 9
-
Pure me patate, bishtaja, pulë, qumësht gjiri apo formule. I grijmë dhe mund t’i ruajmë deri në një muaj.
-
Avokado, boronicë, mango, qumësht gjiri apo formule. Mund të ruhet në ngrirje nga 3 ditë deri në 1 muaj.
-
Mollë, karrotë e zier, mango, qumësht gjiri apo formule. Pasi i kemi fruluar mund t’i ruajmë në ngrirje nga 3 ditë në 1 muaj.
Nga muaji i 11
-
Spinaq, bizele, dardhë, kivi, qumësht gjiri apo formule. Purenë e ruajmë në ngrirje nga 3 ditë deri në 1 muaj.
-
Patate e ëmbël, fasule të bardha, karrota, qumësht gjiri apo formule. Pureja mund të ruhet në ngrirje nga 4 ditë në 1 muaj.
-
Patate, bishtaja, kale (perime me gjethe jeshile), qumësht gjiri apo formule. Ruhet në ngrirje deri në 1 muaj.
Bëni më të mirën për fëmijën tuaj. E ushqeni gjithmonë me fruta, perime, mish, peshk të freskët!
Lexoni edhe: Si te pergatisim lengun e supes?
Për të lënë një koment ju duhet të jeni regjistruar Identifikohu