Pureja me karota dhe banane është një recetë për bebe shumë e lehtë për tu përgatitur. Madje bebet do ta pëlqejnë për shkak të ëmbëlsisë që ka. Por shija nuk ështe e vetmja gjë e mirë që kjo pure ofron për fëmijët tuaj, pasi edhe përfitimet shëndetësore janë të shumta.

Karota ndihmon në zhvillimin e shikimit dhe gjithashtu është dhe një burim shumë i mirë i beta-karotenit, i cili është shumë i nevojshëm për zhvillimin e bebit gjatë vitit të parë të jetës. Gjithashtu banania e ndihmon bebin gjatë tretjes e ndihmon në trajtimin e konstipacionit dhe përveç kësaj ajo është e pasur me kalium, fibra ,vitamin B2, B6 dhe C, që do ta furnizojnë vogëlushin tuaj me energji për të gjithë ditën.

⦁ 1 karotë;
⦁ 1 banane;
⦁ 2 lugë qumësht gjiri ose formule.

1. Në fillim qëroni dhe priteni karotën në forma rrethore;
2. Në një tenxhere me 1 gotë uji, zieni karotën deri sa të zbutet;
3. Më pas e hiqni nga zierja dhe e lini të ftohet paksa.
4. Pas kësaj, kalojeni karrotën në blender së bashku me bananen për 2 minuta.
5. Në fund shtoni qumështin dhe vazhdoni ta bëni pure dëri sa të përfitoni një masë kremoze.

Koha e përgatitjes është 5 minuta.
Kjo është një recetë e përshtatshme për bebe +6 muajsh.
Ruhet në mbajtëse hermetike për 3 ditë në frigorifer ose për 3 muaj në ngrirje.

Lexoni dhe: Recetë gatimi per bebe +8 muajsh (Pure me kumbulla, boronica dhe spinaq)