Dy ditë pas ngjarjes së rëndë në fshatin Therepel të rrethit të Skraparit, gjendja e fëmijës që ra në vatrën e zjarrit ku po zihej raki, është stabilzuar dhe ai e ka kaluar rrezikun për jetën.
“Në Shërbimin e Djegie-Plastikës ka ardhur me urgjencë në gjendje të rëndë shëndetësore me djegie në pjese të ndryshme të trupit pacienti me inicialet K. B., i moshës 17 muajsh. Gjendja e tij shëndetësore sipas mjekëve të shërbimit, paraqitet e stabilizuar. Fëmija ka pësuar djegie në 30% të trupit”, – bëjnë të ditur mjekët e qendrës spitalore ” Nënë Tereza”.
Megjithatë, ai ende mbahet nën monitorim nga bluzat e bardha për t’i dhënë gjithë ndihmën e nevojshme.
Ditën e premte fëmija 1 vjeç e gjysmë ka qenë duke luajtur në oborrin e shtëpisë, kur ka shkarë dhe është rrëzuar në gropën ku babai i tij po ziente rakinë. Si pasojë, fëmija i mitur ka pësuar djegie të rënda dhe fraktura të shumta në të gjithë trupin.
Pasi ka mbërritur në Spitalin e Skraparit, mjekët e kanë transportuar të miturin me ambulancë drejt Spitalit të Traumës në Tiranë, duke deklaruar se gjendja e fëmijës ishte mjaft kritike.
Për të lënë një koment ju duhet të jeni regjistruar Identifikohu