Ananasi është një frut i shijshëm tropikal që ka shumë përfitime shëndetësore, një ndër të cilat është që përmban shumë vitaminë C.

Ky frut mund të shtohet në dietën e një foshnje pasi ka mbushur 8 muajsh. Meqënëse ky frut përmban shumë fibra, duhet ta gatuajmë para se të ushqejmë një foshnjë nën 1 vjeç.
Më poshtë ju tregojmë një recetë me ananas të bërë pure, së cilës mund t’i shtoni edhe karota. Pureja mund të shijohet edhe me pudër qimnon, nëse dëshironi.

Përbërësit:

• ½ filxhan me copa të prera ananasi;
• 1 karotë e vogël, e prerë ;
• Pak pluhur qimnoni (me dëshirë).

Përgatitja e puresë me ananas dhe karotë:

1. Vendosini në një enë mbi avull karrotat dhe ananasin për 7-10 minuta. Ju mund të merrni edhe një enë për avullim si kjo në foto.
2. Sigurohuni që të gjitha copat të jenë përfshirë në avull. Ftohini në temperaturën e dhomës dhe hidhini në blender.
3. Shtypeni blenderin 3-4 herë derisa të formohet një pure e butë. Ju mund të shtoni pak ujë të pijshëm në të për të arritur ta bëni të butë sat ë doni.
4. Nëse ju pëlqen, ju mund të shijoni purenë me pluhur qimoni duke ia hedhur sipër para se ta shërbeni.

Prezantojani foshnjës suaj frutin e ananasit duke ia dhënë fillimisht në këtë mënyrë që të ndiejë aromën dhe shijen e mirë, pasi kjo pure është kombinim shumë i mirë mes një fruti dhe një perimeje.

Lexo edhe: Perfitimet e karotes tek bebet