Kohët e fundit shumë specialistë të komunikimit dhe edukimit të fëmijëve shprehen se përrallat klasike me të cilat jemi rritur ne si Borëbardha, Hirushja etj përcjellin mesazhe të gabuara për fëmijët dhe nuk është mirë t’i edukojmë përmes tyre.
Megjithatë, një nënë thotë se gjithmonë e nis bisedimin me dy vajzat e saj duke iu referuar Borëbardhës. Pavarësisht se përcjell mesazhe jo të duhura për një fëmijë, ajo thotë se përdor këtë përrallë pikërisht për të edukuar fëmijët se çfarë nuk është e mirë dhe e drejtë.
Për shembull në momentin kur princi puth Borëbardhën që është në gjumë ajo thekson se askush nuk ka të drejtë të na puthë pa dijeninë tonë.
Ose në momentin që Magjistarja i jep mollën Borëbardhës ajo vë në punë logjikën e vajzave duke iu drejtuar atyre një pyetje.
“A nuk mendoni se Borëbardha duhej ta pyeste Magjistaren përse duhej të hante mollën dhe se ku u gjet ajo mollë? Kështu nuk duhet të pranojmë asnjëherë ushqime nga të panjohurit”, – u thotë ajo vajzave.
Sipas saj ka plot histori të tilla, të cilat duhen përdorur si shembulli konkret sesi fëmijët nuk duhet të sillen.
Lexo edhe: Si ta mesojme femijen te haje shendetshem nepermjet perrallave?
Për të lënë një koment ju duhet të jeni regjistruar Identifikohu