Avokado është një nga ushqimet më të shëndetshme që natyra ka ofruar. Avokado mund të përdoret për përgatitjen e recetave të ndryshme, mund të jetë një përbërës i shkëqyer i sallatës, sanduiçit, apo i lëngjeve të ndryshme, por gjithashtu, mund të përdoret edhe për maska fytyre. Gjithsesi shumica nga ne përdorin vetëm tulin e avokados, duke i hedhur farat pa ditur se ato përmbajnë më shumë antioksidantë dhe fibra se tuli.
Përpara se të konsumoni farat e avokados të cilat kanë një shije të hidhur, qëroni shtresën kafe që i mbulon ato. Më pas i grini farat në një blendër me fuqi të lartë ose një mulli kafeje. Pastaj mund ta përdorni këtë pluhur si një erëz, për t’ja shtuar supës, sallatës, ose thjesht të hidhni një lugë në një gotë uji apo lëng frutash dhe ta pini.
Këtu janë disa nga përfitimet e përdorimit të farave të avokados, të cilat do t’ju bëjnë juve të mendoheni 2 herë përpara se t’i hidhni.
Forcojnë sistemin imunitar
Farat e avokados kanë një përmbajtje të lartë antioksidantësh, në fakt ato kanë rreth 70% më shumë antioksidantë se i gjithë fruti. Antioksidantët luftojnë radikalët e lirë në trup që dëmtojnë qelizat, pra këto fara e ndihmojnë shumë sistemin tuaj imunitar.
Ulin nivelin e kolesterolit në gjak
Farat e avokados përmbajnë proteina të cilat mund të ulin nivelin e kolesterolit në gjak. Gjithashtu vetë fara është e pasur me kolesterol HDL i cili është i shëndetshëm dhe pastron trupin tuaj nga kolesterolli i tipit LDL cili është shkaktar për bllokimin e enëve të gjakut.
Luftojnë kancerin
Një studim i vitit 2015 për kancerin citon se avokatina B, një lëng që nxirret nga fara e avokados ndihmon në luftimin e qelizave kancerogjene dhe mbron qelizat e tjera nga avancimi i mëtejshëm i kancerit.
Ndihmon në humbjen e peshës
Meqenëse antioksidantët që gjenden në farën e avokados ndihmojnë në djegien e yndyrës së depozituar në trupin tuaj, përdorimi i tyre do të ndikojë pozitivisht në zvogëlimin e peshës suaj trupore. Gjithashtu, për shkak se fara është e pasur me fibra, ju do të ndiheni të ngopur për një kohë relativisht më të gjatë.
Vonon plakjen
Antioksidantët e fuqishëm që gjenden në farën e avokados luftojnë edhe radikalët e lira të cilët dëmtojnë lëkurën tuaj. Kjo gjë bën që lëkura juaj të jetë më e shëndetshme dhe të rigjenerohet më shpejt, duke vonuar kështu proçesin e plakjes.
Lexoni dhe:Pse konsumi i perditshem i arrave te ben mire?
')}
Për të lënë një koment ju duhet të jeni regjistruar Identifikohu