Nga Yuka Ogata, këshilltare në asamblenë e Kumamoto të Japonisë.
Këtë muaj vendosa të marr me vete fëmijën në dhomën e Kuvendit të Kumamoto sepse besoja se kjo ishte e vetmja mënyrë me të cilën unë mund të kapërceja pengesat e mëdha që ishin vendosur para meje si një nënë e cila edhe punon. E pashë këtë gjë si shansin tim më të mirë për të ecur përpara me politikën që kisha menduar të ndiqja që në momentin kur u bëra këshilltare në qytetin tim. Shpresoja të përmirësoja kujdesin ndaj fëmijës duke e bërë ambientin e punës më tepër miqësor ndaj familjes. Por mund të them se asnjë nga propozimet që kam bërë dëri tani nuk është aprovuar.
Pasi zbulova se isha shtatzanë unë i kërkoja asamblesë të më mbështeste në mënyrë që të kujdesesha për djalin tim të
mitur dhe njëkohësisht të vazhdoja punën. Kam kërkuar leje për ta ushqyer me gji në dhomë, kam kërkuar gjithashtu edhe leje për të ngritur një dhomë në asamble për fëmijët e këshilltarëve, personelit dhe vizitorëve. Por të gjitha propozimet e mia janë refuzuar. Në vend të kësaj mu propozua ta zgjidhja vetë këtë çështje. Por unë jam kundër politikave që e bëjnë të vështirë rritjen e fëmijëve në Japoni.
Mungesa e ambienteve të kujdesit ndaj fëmijës i detyron shumë gra të heqin dorë nga puna. Edhe prindërit që arrijnë të gjejnë një vend për fëmijën e tyre duhet të merren me shumë rregulla dhe rregullore. Për shembull, ata duhet të shkruajnë emrin e fëmijës së tyre në çdo send apo veshje, duke përfshirë edhe pelenat, etj. Kur fëmijët tanë sëmuren (ashtu siç bëjnë shpesh) është shumë e vështirë të largohesh nga puna për t’u kujdesur për ta.
Si përfundim, prindërit mund t’i marrin fëmijët e tyre në punë në disa raste, ku hasin vërejtje negative nga kolegët dhe punëdhënësit e tyre. Kur mbesin shtatzënë, shumë gra janë të detyruara të heqin dorë nga puna në më të shumtën e rasteve.
Por ky nuk është një problem vetëm i grave, është çështje e menaxhimit. Në përgjithësi, kompanitë japoneze mendojnë se balancimi i punës dhe rritja e fëmijëve janë përgjegjësi vetëm e prindërve. Shumë pak vende të punës kanë marrë masa për të ndihmuar prindërit të balancojnë punën dhe jetën familjare.
Duke u ulur në sallën e kuvendit me djalin tim në prehër, desha të përfaqësoja të gjithë prindërit që po luftojnë për të rritur fëmijët në Japoni. Shpresoja që me këtë gjë zërat e tyre nuk do të shpërfilleshin më.
Seanca e kuvendit e mbajtur në ditën e incidentit do të zgjaste vetëm 15 minuta ose edhe pak më shumë. Djali im zakonisht është i qetë kështu që unë kisha besim se ne mund të uleshim në seancën së bashku pa asnjë problem. Por sigurisht që nuk prisja reagimin e fortë që kisha nga kolegët e mi dhe stafi i kuvendit. Sapo u ula në sallë, stafi nga sekretariati u drejtua nga unë dhe më tha “Mos e bëni këtë. Ju lutemi të merrni fëmijën tuaj dhe të dilni menjëherë nga dhoma”.
Seanca e kuvendit e mbajtur në ditën e incidentit do të zgjaste vetëm 15 minuta ose edhe pak më shumë. Djali im zakonisht është i qetë kështu që unë kisha besim se ne mund të uleshim në seancën së bashku pa asnjë problem. Por sigurisht që nuk prisja reagimin e fortë që kisha nga kolegët e mi dhe stafi i kuvendit. Sapo u ula në sallë, stafi nga sekretariati u drejtua nga unë dhe më tha “Mos e bëni këtë. Ju lutemi të merrni fëmijën tuaj dhe të dilni menjëherë nga dhoma”.
Isha e befasuar, por u përpoqa të kontrollohem. Unë i thashë “Unë jam këshilltare me një fëmijë, kështu që unë do të qëndroj këtu me të. Ju lutem vazhdoni dhe hapni seancën.”
Mendova se ishte gabim që ata të përpiqeshin të nxirrnin një këshilltare që vetëm po përpiqej të përfaqësonte qytetarë të tjerë në një pozitë të ngjashme. Trajtimi im atë ditë provoi se shumë punëdhënës në Japoni presin që ne të punojmë dhe të harrojmë pjesët e tjera të rëndësishme të jetës sonë, si rritja e fëmijëve, kujdesi për prindërit e plakur ose trajtimi i sëmundjeve.
Mendova se ishte gabim që ata të përpiqeshin të nxirrnin një këshilltare që vetëm po përpiqej të përfaqësonte qytetarë të tjerë në një pozitë të ngjashme. Trajtimi im atë ditë provoi se shumë punëdhënës në Japoni presin që ne të punojmë dhe të harrojmë pjesët e tjera të rëndësishme të jetës sonë, si rritja e fëmijëve, kujdesi për prindërit e plakur ose trajtimi i sëmundjeve.
Për shumë gra japoneze situata është edhe më e keqe. Ata punojnë me kontratë afatshkurtër dhe paguhen me paga më të ulëta. Është koha që vendi japonez të ndryshojë për të përshtatur nevojat e prindërve me ato të punës dhe kjo përfshin edhe kujdesin për familjet e tyre. Unë do të vazhdoj të përdor pozitën time për ta kthyer Japoninë në një vend ku njerëzit mund të gëzojnë një ekuilibër të duhur në punë dhe jetë.
')}
Për të lënë një koment ju duhet të jeni regjistruar Identifikohu