Një çerdhe në Teksas është bërë pjesë e një skandali pasi ka qarkulluar një video, kur një prej edukatoreve kap prej flokësh një fëmijë. Edukatorja e ka bërë këtë veprim që vajza e vogël 3-vjeçare të mos flinte gjumë.

“Nuk do të flesh, mbaro së ngrëni ushqimin”, – dëgjohet të thotë edukatorja duke i tërhequr flokët vajzës që t’i ngrinte kokën nga tryeza. Pas saj dëgjohet një tjetër punonjëse  e çerdhes duke qeshur.

Prindërit e 3-vjeçares janë shokuar nga ato që kanë parë. “Isha e rrënuar emocionalisht. Ndihem e çmendur, e zemëruar, e lënduar, e trishtuar, të gjitha në të njëjtën kohë”, tha nëna e saj, Laquitta Wilson, ndërsa babai i saj shtoi:”Ne vetëm duam drejtësi. Ky është fëmija im. Dhe asnjë fëmijë nuk duhet të trajtohet ashtu siç është trajtuar ajo”.

Madje edhe gjyshja e vajzës, Shanna Walker, u shpreh tepër e zemëruar dhe tha se ndjesia e parë që i erdhi ishte të shkonte e t’i hiqte kokën edukatores që kishte bërë atë verpim me mbesën e saj.

Ndërsa çështja është ende duke u gjykuar, dy edukatoret janë shkarkuar nga detyra.

https://www.youtube.com/watch?v=0TnFzS5wFCo

Lexo edhe: Rrahin femijet ne cerdhe, denoncohen 5 edukatore

Sorry, there are no polls available at the moment.