Një vajzë 19-muajshe detyrohet të ndjekë një dietë vegane
Ushqimi është thelbësor për fëmijët. Një dietë e shëndetshme dhe e ekuilibruar ndihmon të rritet mirë dhe të shmangë shumë sëmundje. Në veçanti, kalimi nga qumështi në ushqimet e ngurta është thelbësor, gjatë të cilit fëmijët duhet të fillojnë ngadalë të hanë ushqime të ndryshme për të futur në dietë vitaminat, proteinat, yndyrat, karbohidratet dhe gjithçka që nevojitet për t’i bërë ata të rriten në mënyrën më të mirë. Mangësitë në këto muaj delikatë kompromentojnë shëndetin e fëmijës, duke e rrezikuar seriozisht rritjen e tij. Kjo është ajo që ndodhi me një vajzë 19-muajshe australiane, e detyruar nga prindërit e saj për të ndjekur një dietë vegane.
Vajza e vogël u detyrua të hante vetëm disa ushqime vegane
Vajza, vetëm 19 muajshe, u detyrua të hante vetëm bukë të thatë, tërshërë, banane dhe qumësht orizi. Dieta në të cilën prindërit e kishin detyruar foshnjën, ka shkaktuar probleme serioze shëndetësore, duke rrezikuar jetën. Foshnja, e vizituar nga mjekët, u gjet në një gjendje kequshqyerjeje. Ajo edhe pse ishte një vjeçe e gjysmë peshonte vetëm 4.9 kilogramë, por sipas prindërve të saj problemi ishte ajo se ajo i bënte naze ushqimeve që ata donin t’i jepnin.
Prindërit përfunduan në gjykatë
Historia e fëmijës së kequshqyer përfundoi në gjykatë. Prindërit e fëmijës, respektivisht 32 dhe 34 vjeç, ishin nën akuzë. Fëmija është në të vërtetë nën peshë dhe ka vështirësi serioze në aftësitë motorike: nuk mund të zvarritet dhe të bëjë lëvizje të përditshme. “Ishte si e butë, madje nuk mund të zvarritej”, tha një nga mjekët që vizituan foshnjën.
Prindërit kanë tre fëmijë, por dy të tjerët janë të shëndetshëm. Megjithatë, të tre u hoqën nga kujdestaria e tyre.
Prindërit e fëmijës janë veganë dhe kanë filluar dietën pa mish e pa produkte shtazore sapo fëmija ka lindur. Në fakt, foshnjës i mungonin ushqyes si kalciumi, fosfati, vitamina B12, vitamina A, hekuri dhe zinku. Megjithatë, ishte kryesisht mungesa e vitaminës D, e dobishme për të mbrojtur kockat, që shkaktoi dëmin më të madh në organizmin e foshnjës.
Lexo edhe: Mami, nga vjen mishi? Si t’i pergjigjemi kesaj pyetjeje pa e bere femijen vegjetarian?
Për të lënë një koment ju duhet të jeni regjistruar Identifikohu