Po prisni të sillni në jetë një fëmijë? Bëni përgatitjet e duhura!

1. Takohuni me nëna të tjera. Këshillat e tyre do të jenë shumë të vlefshme për ju.
2. Organizoni vendin e larjes. Govata e fëmijës duhet të jetë e vendosur në vendin e saj në mënyrë që pas lindjes të mos e spostoni atë vazhdimisht.
3. Merrni sende me shumicë. Bebelina, letra të lagura, krem, shampo etj. Pas lindjes pazari mund të jetë gjëja e fundit që mund të coni nëpër mend.
4. Krijoni atmosferën e duhur. Shtëpia juaj duhet të jetë sa më e rehatshme dhe praktike, për këtë arsye mund të kaloni në plan të dytë pamjen e saj.
5. Lani dhe hekurosni të gjitha rrobat e bebes. Kjo nuk është diçka që do të keni shumë dëshirë ta bëni pas një nate të kaluar pa gjumë apo orësh të tëra së të ushqyerit me gji.
6. Pastroni shtëpinë. Nëse keni energji dhe dëshirë mund të pastroni shtëpinë në mënyrë që ajo të jetë gati për të mirëpritur të porsalindurin dhe sigurisht vizitorët!
7. Përgatisni disa vakte. Mund t’i ruani ato në ngrirje të frigoriferit.
8. Siguroni një mënyrë të përshtatshme për ngrohjen e shtëpisë. Mbani mend se temperatura duhet të jetë midis 20-23 gradëve.

Lexoni dhe:Si duhet te jete higjiena e bebes?