Për të gjithë prindërit që nuk po shkojnë në punë duke u kujdesur për fëmijët e tyre që gjithashtu nuk po shkojnë në shkollë, kryeministri Edi Rama, ka njoftuar  se të enjten  do të jetë gati plani ekonomik në lidhje me krizën si pasojë e Koronavirusit.

Përmes një njoftimi në Facebook ai premton se në fund të muajit askush nuk do të mbetet pa pagesë dhe të gjithë do të kenë mbështetjen e qeverisë.

“JU LUTEM TË GJITHË ATYRE QË JANË NË SHTËPI PAS MBYLLJES SË AKTIVITETIT EKONOMIK, TË RRINË TË QETË DHE BËJNË DURIM, TË ENJTEN DO TË KEMI GATI PLANIN E GARANCISË FINANCIARE PËR KOMPENSIMIN E PAGAVE TË MUNGUARA TË ÇDO BIZNESI.

NUK DO TË VIJË FUNDI I MUAJIT PA PAGËN E GJITHKUJT NDËR JU QË QËNDRON NË SHTËPI SI PASOJË E MBYLLJES SË BIZNESIT KU PUNON!

DURIM JU LUTEM DHE BESIM QË PO PUNOJMË PAPUSHIM PËR TË MOS LËNË ASNJË VETËM NË PËRBALLIMIN E PASOJËS FINANCIARE TË MOSVAJTJES NË PUNË!”.

Ende nuk ka një datë se kur do të rihapen shumë prej biznseseve të mbyllura, prandaj dëmi ekonomik që do të përllogaritet pritet të jetë i lartë.