Ekziston një lidhje e ngushtë midis fillimit të mbipeshës, obezitetit dhe konsumit të pijeve me sheqer, veçanërisht në fëmijëri. Janë bërë disa studime në të kaluarën që tregonin se pijet me sheqer rrisin rrezikun e obezitetit dhe mbipeshës. Kohët e fundit është kryer një analizë e 30 studimeve, të cilat theksonin rrezikun e obezitetit për të rinjtë. Rezultatet e hulumtimit u botuan më pas në revistën e Shoqatës Evropiane për Studimin e Mbipeshës. Në veçanti, 20 nga 30 studime vërtetuan lidhjen mes pijeve të ëmbla dhe obezitetit tek fëmijët, ndërsa 10 prej tyre merrnin në konsideratë vetëm të rriturit. Në studim morën pjesë disa qendra kërkimore evropiane, duke përfshirë Institutin Special të Kardiologjisë Parandaluese dhe të Ushqyerit në Salzburg, spitalet universitare në Gjenevë dhe Universitetin e Navarrës.

Studimi në mbi 250,000 qytetarë të vegjël e të mëdhenj

Pjesëmarrësit në eksperiment erdhën nga vende të ndryshme të botës: 33% nga Evropa, 23% nga SHBA, 17% nga Amerika Qendrore dhe Jugore, 7% nga Australia dhe 10% nga Afrika e Jugut, Irani, Tajlanda dhe Japonia. I gjithë studimi tregoi një lidhje pozitive mes fillimit të mbipeshës, obezitetit dhe konsumit të pijeve me sheqer.

Ne kemi nevojë për një politikë parandaluese

Me arritjen e këtyre rezultateve, studiuesit janë të bindur se politikat e shëndetit publik duhet të synojnë të ulin konsumin e pijeve të ëmbla dhe të gazuara dhe të mbështesin alternativat më të shëndetshme si uji.

Në vendin tonë, megjithatë, mungon një politikë e mirëfilltë për të parandaluar obezitetin dhe mbipeshën tek fëmijët, qoftë përmes ndalimit të konsumit të pijeve apo të produkteve të tjera ushqimore.

Kaloritë bosh

Të gjitha pijet e gazuara, lëngjet e frutave, çaji i zier dhe çaji i ëmbël bimor (të cilit i është shtuar sheqer) jo vetëm që nuk e shuajnë etjen, por japin shumë kalori të definuara si “boshe”, pasi janë te padobishme, sepse kontributi i elementeve ushqyese të dobishme për shëndetin është I pavlefshëm.

Lexo edhe: Mosha me e rrezikshme per obezitetin e femijeve