Këtë fundajvë të bukur me diell, kushdo që ka pasur mundësinë e ka shijuar duke pushuar pranë njerëzve më të dashur.

Kështu ka kaluar dita e shtunë edhe për këngëtaren e dashur për publikun shqiptar, Miriam Cani e cila në profilin e saj në Instagram ka postuar një foto me të bijën Ameli.

Në foton ku vogëlushja puth të ëmën e buzëqeshur, ajo që bie në sy është tullumbacja në formë zemre që mban Ameli, ku duken të stampuara dy personazhe të filmit të animuar “Frozen”.

Mesa duket, edhe për vajzën e këngëtarëve Miram Cani e Alban Skënderaj këto janë personazhet dhe filmi i preferuar, si për pjesën më të madhe të fëmijëve të brezit të sotëm.

Ndoshta ka ikur koha kur kukulla e preferuar e çdo vajze ishte Barbie.