Të kesh një karakter të gëzuar dhe të gjallë, përmirëson cilësinë e jetës. Por kush nuk është mjaftueshëm i tillë, mund të stërvitet për ta arritur. Kjo theksohet nga një hulumtim i udhëhequr nga Universiteti Martin Luther Halle-Ëittenberg, i kryer në bashkëpunim me Universitetin e Cyrihut dhe Universitetin Shtetëror të Pensilvanisë, botuar në Psikologjinë e Zbatuar: Shëndet dhe Mirëqenie. “Njerëz veçanërisht të gjallë – shpjegon Profesor René Proyer, një nga autorët e studimit – e kanë të vështirë të mërziten. Ata janë në gjendje të transformojnë pothuajse çdo situatë të përditshme në një përvojë argëtuese ose tërheqëse.
Jo në kuptimin negativ
Por kjo nuk do të thotë që njerëzit lozonjarë janë veçanërisht “budallenj” ose mendjelehtë. Përkundrazi, studimet e mëparshme kanë treguar që të rriturit mund ta përdorin këtë prirje në shumë situata: ata kanë një vështrim për detaje, ata lehtë miratojnë perspektiva të reja dhe mund ta bëjnë një detyrë monotone interesante.
Konfirmimet në një studim
Pjesëmarrësit në studim u ndanë rastësisht në tri grupe eksperimentale dhe një grup që do të merrnin medikamente me efekt psikologjik. Ata që ishin në grupet eksperimentale përfunduan ushtrimet ditore për shtatë ditë. Para se të shkonin në shtrat, atyre u duhej të shkruanin tre situata të ditës së kaluar në të cilat ishin sjellë në mënyrë veçanërisht të gjallë, ose të përdornin prirjen për të qenë lozonjarë në një situatë të panjohur, për shembull në jetën profesionale dhe të përshkruanin përvojën . Ose të reflektonin për sjelljen e gjallë që ata vëzhguan te vetja atë ditë. Përkundrazi, grupi që mori medikament mori një detyrë që nuk kishte asnjë ndikim në eksperiment. Një pyetësor para dhe pas një, dy, katër dhe dymbëdhjetë javësh tregoi një rritje të gjallërisë në grupin e njerëzve që kishin bërë ushtrime specifike dhe një përmirësim të përkohshëm dhe të moderuar të mirëqenies.
Mërzia është një gjendje shpirtërore e përjetuar nga një individ që ka tendencë të dëshirojë të jetë aktiv, por që nuk mund të bëjë diçka stimuluese, ndërsa personi në depresion është i bindur se nuk ka asgjë interesante për të bërë në jetë.
Lexo edhe: Një jetesë e shëndetshme ju shton një dekadë jetëgjatësi
Për të lënë një koment ju duhet të jeni regjistruar Identifikohu