Shumë prindër preferojnë të fillojnë ushqyerjen e fëmijës me ushqime kavanozash sepse janë të holla dhe të buta, por në të vërtetë mjekët këshillojnë që ushqimet e fëmijës të jenë të freskëta, sidomos kur bëhet fjalë për mishin dhe peshkun.
Përse duhet të zgjedhim mishin dhe peshkun e freskët?
Sipas Ministrisë së Shëndetësisë në Itali, homogjenizatët nuk mund të konsiderohen si ushqime jo të sigurta, por sipas direktivave Europiane, përqindja e peshkut dhe mishit që ndodhet në këto kavanoza është e ulët. Ajo e mishit është 40% dhe e peshkut apo perimeve 10%, por jo gjithmonë kompanitë e prodhimit e respektojnë këtë vlerë. Nga ana tjetër, nëse në supën e fëmijës do të hedhim mish apo peshk të freskët do të jemi më të sigurt në lidhje me origjinën e tij dhe mënyrën e përgatitjes.
Përmbajtja e ushqimevve të kavanozëve
Nëse përqindja e mishit është 40%, po pjesa tjetër? Mund të jetë niseshte misri, miell orizi, ujë, lëng i përqëndruar limoni dhe duke qënë se nuk kemi siguri në lidhje me freskinë e këtij ushqimi nuk mund të jemi të sigurt as në lidhje me efektet që do të ketë tek fëmija.
Por edhe mishi i freskët duhet të blihet në një vend të sigurt, kryesisht tek një person që e ther vetë kafshën apo peshkun tek një peshkatar. Një ushqim i përgatitur në shtëpi nuk do të përmbajë brenda asnjë përbërës të dyshimtë, dhe nga ana tjetër do të kenë edhe më tepër shije.
Për të lënë një koment ju duhet të jeni regjistruar Identifikohu