Përse është e rëndësishme vitamina B9?
Kjo vitaminë është shumë e rëndësishme sepse luan rol të rëndësishëm në shumë funksione jetësore të cilat janë:
- Parandalon aneminë;
- Ul rrezikun e shfaqjes së keqformimeve të fetusit (defektet në tubin neural: spina bifida, anencefalia dhe encefalocela);
- Ul rrezikun e shfaqjes së problemeve të lindura kardiovaskulare, të keqforimeve të buzëve dhe qiellzës, defekteve në traktin urinar si edhe të gjymtyrëve.
Si të bëjmë që ushqimet të mos e humbin këtë vitaminë?
Ruajtja në kushtet e duhura do të bëjë që ushqimet të ruajnë këtë vitaminë kaq të rëndësishme.
- Perimet: ato duhet të konsumohen brenda një kohe të shkurtër nga blerja. Pasi i keni marrë në shtëpi duhet t’i ruani ne vende larg diellit si edhe burimeve të tjera të nxehtësisë.
- Zierja: edhe ky proçes ka aftësi të shkaktojë humbjen e një pjese të mirë të vitaminës, dhe për këtë arsye do të ishte mirë që ushqimet e pasura me acid folik të konsumoheshin të gjalla, ndoshta duke u kombinuar me ushqime të tjera të ziera apo pjekura.
- Pirja e çajit: evitoni çajin jeshil dhe atë të zi, kjo pasi ndikojnë negativisht, duke ulur aftësinë e organizmit për të përthithur acidin folik.
Për të lënë një koment ju duhet të jeni regjistruar Identifikohu