Percaktimi i moshes se shtatezanise

0 0

Për të përcaktuar sa më saktë moshën e shtatëzanisë dhe datën e lindjes, duhet të përdoren të gjitha informacionet në dispozicion:
– Dita e parë e periodave të fundit;
– Përmasat e mitrës gjatë vizitës abdominale dhe asaj vaginale;
– Matja e gjatësisë nga fundi i mitrës deri në mes të kockës pubike;
– Matja e përmasave të bebit me anë të ekografisë;
– Rezultatet e vizitave ekografike.
Mosha e shtatëzanisë vlerësohet duke u nisur nga dita e parë e periodave të fundit, atëherë kur kemi të bëjmë me cikle të rregullta menstruale si edhe atëhere kur kjo ditë është e sigurt.
Kur do të lindë fëmija?
Një shtatëzani normale zgjat 40 javë nga dita e parë e periodave të fundit. 40 javë janë dhjetë muaj hënorë ose nëntë muaj kalendarikë. Nëqoftëse e mbani mend mire ditën e parë të periodave të fundit dhe keni pasur një cikël të rregullt, bebi do të lindë normalisht pas 9 muajve e 7 ditëve nga dita e parë e periodave.
Një mënyrë e shkurtër për ta llogaritur këtë është kështu:
Nga dita e parë e periodave të fundit zbriten tre muaj dhe shtohen mbi të shtatë ditë. Për shembull nëse periodat e fundit kanë qenë më 7 maj, muaji i pestë, zbrit tre muaj, mbërrin në 7 shkurt, i cili është muaji i dytë, shtohen 7 ditë dhe data e mundshme e lindjes rezulton 14 shkurt.
Si mundet që madhësia e mitrës të ndihmojë në përcaktimin e moshës së shtatëzanisë?
– Deri në javën e 12-të, që do të thotë tre muajshe, përmasat e mitrës do të jenë të tilla që nuk do të dallohet barku. Përmasat e saj do të dallohen vetëm gjatë vizitës gjinekologjike me anën e ekografisë.
– Nga java 13-të deri në javën e 24-t të shtatëzanisë, që do të thotë muaji i gjashtë, mitra preket mirë nga barku dhe përcaktohet me lehtësi madhësia e saj, duke matur distancën nga kocka pubike deri në fundin e mitrës.
– Pas javës së 24-t të shtatëzanisë mitra bëhet e dukshme edhe me sy të lirë, kështu që si për ju, ashtu edhe për personelin mjekësor është më i lehtë përcaktimi i madhësinë së saj në raport me moshën e shtatëzanisë.
Përse është i rëndësishëm vlerësimi i madhësisë së mitrës?
Nëqoftëse rritja e mitrës nuk përputhet me rritjen e moshës së shtatëzanisë, dyshohet për prapambetje së rritjes të bebit, gjë e cila shoqërohet me dëmtime të mundshme. Nëse dyshoni për diçka të tillë, duhet të drejtoheni menjëherë tek mjeku specialist, sepse vihet në rrezik jeta ose e ardhmja e bebit.
Përveç kësaj dyshohet edhe për sasi të pakët të lëngut amniotik ( ujërat që rrethojnë bebin ), vdekje të bebit brenda në mitër, apo plasje para kohe të membranave. Përsa u tha më sipër ka vlerë për rastet kur madhësia e mitrës është më e vogël sesa duhet të ishte në raport me moshën e shtatëzanisë.
Ka raste kur kjo madhësi është më e madhe se duhet të ishte për moshën e dhënë.
Në këto raste dyshohet për:
– Shtatëzani me shumë fëmijë ( dy ose më shumë );
– Sasi të shtuar të lëngut amniotik;
– Fëmijë me peshë të madhe ( mbi 4 kg );
– Diabet të nënës.






Për të lënë një koment ju duhet të jeni regjistruar Identifikohu



Materiale te ngjashme

Jo çdo NIPT është NIFTY

"Çfarë është testi NIFTY? A janë NIPT dhe NIFTY e njëjta gjë? A ka rëndësi se cilin të zgjedhësh? Këto janë të gjitha pyetjet me të cilat përballen shumë gra...

Gjithçka që duhet të dini...

Testi NIFTY nga GenePlanet u mundëson prindërve të ardhshëm të mësojnë më shumë për shëndetin e foshnjës së tyre ndërkohë që ai ose ajo është ende në mitër. Në këtë...

A mund të mbaj në...

A është e sigurt të ngrini në krahë një fëmijë ndërsa jeni shtatzënë? Ja çfarë duhet të dinë nënat e ardhshme me të vegjlit në shtëpi. "Njerëzit vazhdojnë të më...

Udhërrëfyesi për testin prenatal: Cili...

Nga ultratingulli e deri te testi NIFTY - nënat e ardhshme kanë një gamë të gjerë të testeve plotësuese, për të larguar frikën rreth shëndetit të fëmijës. Nga çdo dëshirë...

Ne kemi reklame ju lutem caktivizoni adblock ne menyre qe te navigoni lehtesisht.
Faleminderit!

A keni një llogari? Identifikohu


Regjistrohu


X

Ndrysho fjalkalimin


X