Sa kohë mund të qendrojë i freskët qumështi i gjirit?
Kjo varet nga mënyra si ju e ruani atë. Nëse ai do të mbahet në kushte dhome (temperaturë 20-22 gradë) mund të qëndrojë i freskët për 3-4 orë. Ju gjithashtu mund ta ruani qumështin e gjirit në frigorifer për 3-5 ditë ose ta vendosni atë në ngrirje për një kohë më të gjatë. Pasi e keni nxjerrë nga ngrirja ( e keni shkrirë) qumështi duhet përdorur brenda 24 orëve dhe nuk duhet vendosur sërish në ngrirje. Nëse do të udhëtoni mund ta vendosni qumështin e gjirit në një termus të rrethuar nga akulli dhe ta përdorni brenda 24 orëve.
Disa mënyra si mund ta ruani qumështin e gjirit:
– Qumështi pasi është ngrirë mund të ruhet në frigorifer për 2 javë nëse frigoriferi ka derë të përbashkët me pjesën tjeter;
– Ne ngrirje të ndarë nga pjesa e ushqimeve që nuk kanë nevojë për akull, qumështi mund të qëndrojë i freskët për 3-6 muaj;
– Nëse qumështi vendoset në një frigorifer me akull i cili nuk hapet shpesh mund të qëndrojë i freksët për 6-12 muaj.
Për një konservim më të sigurt të qumështit të gjirit i pastroni mirë duart me sapun dhe ujë të ngrohtë para se ta shtrydhni. E vendosni direkt në ngrirje pas shtrydhjes.
Lexoni edhe: Si funsionon prodhimi i qumeshtit te gjirit?
Për të lënë një koment ju duhet të jeni regjistruar Identifikohu