Kanye West është përfolur shumë kohët e fundit si kandidat në zgjedhjet presidenciale në Shtetet e Bashkuara. Në nisjen e tubimit të parë në Karolinën e Jugut ditën e diel, reperi mbajti një fjalim mjaft emocional, ku ndër të tjera foli për qëndrimin e tij kundër abortit dhe eksperiencën personale.
43-vjeçari zbuloi se ai dhe Kim, 39 vjeç, morën në konsideratë abortimin e vajzës së tyre të parë North, që tani është 7 vjeç.
“Unë gati vrava vajzën time”, u shpreh reperi në fjalën e tij. “E dashura ime më telefonoi duke bërtitur dhe tha ‘Unë jam shtatzënë’. Ajo po qante”.
Pasi shqyrtuan mundëistë që kishin, reperi zbuloi se ata vendosën ta mbanin vajzën pasi Zoti i dërgoi një mesazh teksa po punonte në laptopin e tij në Paris.
“Ekrani im u bë bardhezi. Dhe Zoti tha: “Nëse tallesh me vizionin tim, unë do të tallem me tëndin”. Dhe unë e telefonova partneren time dhe i thashë: “Do ta mbajmë këtë fëmijë”.
Gjithashtu gjatë fjalës së tij, West bëri me dije se nëna e tij e ndjerë Donda e shpëtoi atë duke i rezistuar kërkesës së babait të tij për ta abortuar.
Për të lënë një koment ju duhet të jeni regjistruar Identifikohu