Nëse edhe ju jeni një nënë që pini duhan, duhet  të dini  se gjendja e të përzierit dhe të vjellat në fillim të shtatzanisë, ulin dëshirën për të pirë duhan, më e mira do të ishte të përdorej ky rast për të ndaluar tërësisht pirjen e duhanit.  Ndalimi i menjëhershëm i pirjes së duhanit është një investim i madh për shëndetin.

Një guidë hap pas hapi për gruan shtatzanë, si të hiqni dorë nga duhani!

Hapi i parë

Shkruani për veten tuaj:

• Kur pini duhan;
• Për çfarë arsye pini duhan dhe çfarë mund të bëni në vend të pirjes së duhanit;
• Bëni planin.

Hapi i dytë

• Shkruani arsyet për të cilat do të ndalosh pirjen e duhanit, të paktën një arsye për veten tënde dhe një për fëmijën tuaj;
• Llogarisni sa shumë mund të kurseni duke ndaluar pirjen e duhanit, dhe mendoni për çfarë gjë tjetër mund të përdorni këto të holla.

Hapi i tretë

• Vendosini vetes një qëllim dhe shkruani si do ta arrini këtë qëllim;
• Kujtoni gjithmonë arsyen, pse doni të ndaloni pirjen e duhanit;
• Shikoni rregullisht qëllimin që keni shkruar, me qëllim që të mos e harroni.

Hapi i katërt

• Vendosni një ditë në të cilën do ndaloni pirjen e duhanit, zgjidhni një ditë që të duket më e përshtatshme. Mos e ndërroni ditën e caktuar;
• Kërkoni nga njerëzit që pinë duhan, të tregojnë mirëkuptim ndaj jush dhe të mos pinë duhan në prezencën tuaj.

Hapi i pestë

• Bëni diçka për veten tuaj dhe fëmijën që pritet të vijë në jetë (qetësim, pishinë, ecje në natyrë, gatim, kinema, blini diçka të bukur;
• Mos u dorëzoni, edhe pse mund të mos keni rezistuar dhe keni pirë një cigare.

Kini parasysh arsyen, pse kishit dëshirë të ndalonit të pinit duhan! Si mendoni do të ndjehet fëmija në barkun tuaj tani? Nëse ndjeni që jeni të stresuar apo të nervozuar, atëherë kjo është një shenjë që tregon se trupi juaj po përshtatet tashmë me gjendjen e re, pa nikotinë. Nëse ju shkon mendja për të pirë duhan, mirë është që në vend të kësaj, të preferoni fruta dhe ujë. Bëni lëvizje të rregullta çdo ditë. Ju jeni duke i dhënë vetes dhe fëmijës tuaj, premtimin për një të ardhme të mirë, kjo është gjithçka.