loading

Parazitet e kokes, ja si ti trajtojme

0 0

Disa këshilla të vlefshme që duhet të keni parasysh në lidhje me trajtimin e parazitëve të kokës, pavarësisht produktit që keni zgjedhur të përdorni. Ja çfarë duhet të dini, sipas Marcello Monti, përgjegjës i shërbimit dermatologjik të institutit “Humanitas” në Rozzano.

Parazitet e kokes, 10 rregulla per trajtimin
1- Para se të filloni trajtimin, është mirë t’i hiqni fëmijës rrobat pasi mund të bëhen pis, dhe zakonisht substancat që përmbajnë këto produkte janë të vështira për t’u hequr nga rrobat.
2- Aplikoni produktin duke ndjekur në mënyrë shumë të saktë udhëzimet e paketimit. Nëse fëmija ka flokë të gjatë, mund të mos jetë i mjaftueshëm një paketim. Tregoni kujdes të veçantë për t’ju përmbajtur kohës të rekomanduar, si edhe mënyrës së shpëlarjes.
3- Pas trajtimit duhet t’i vishni fëmijës veshje të pastra.
4- Nëse shihni ende parazitë të gjallë, por që lëvizin me vështirësi pas rreth 8-12 orësh nga trajtimi, nuk është e nevojshme të bëni një të dytë, pasi disa insekticide i vrasin parazitët pak më me vonesë.
5- Nëse pas 8-12 orësh parazitët lëvizin ende me të njëjtën shpejtësi si më parë do të thotë që produkti nuk ka bërë efekt, dhe për këtë arsye nevojitet një trajtim i dytë me një tjetër produkt.
6- Pas trajtimit, është e rëndësishme të largohen mekanikisht vezët me anën e një krëhëri të posaçëm. Nuk mjafton një krëhër normal, sepse i ka dhëmbëzat me shumë hapësirë mes tyre dhe për pasojë nuk do të jetë në gjendje t’i largojë.
7- Një javë pas trajtimit të parë duhet të krihen flokët me krëhërin e posacëm, duke i mbledhur vezët në një pecetë për t’i hedhur më pas në koshin e plehrave. Të njëjtën gjë duhet të bëni edhe pas trajtimit të dytë.
8- Është reptësisht e ndaluar të përzihen produkte të ndryshme për një trajtim të vetëm.
9- Për një trajtim më efektiv do të ishte i nevojshëm përdorimi i produktit specifik dhe më pas edhe i shampos të posaçme.
10- Është më i këshillueshëm përdorimi i produkteve të posaçme dhe jo vetëm i shampove, pasi edhe pse kanë një kosto të ulët nuk ofrojnë një trajtim efektiv.

Lexo edhe: Si ta kuptojme kur femija ka parazite?

 

Për të lënë një koment ju duhet të jeni regjistruar Identifikohu



Materiale te ngjashme

15 mënyra si të silleni...

Qëndroni pozitivë Shuplakat mund të sjellin probleme të tjera si: Sjellje antisociale; Agresivitet; Dëmtim fizik; Probleme të shëndetit mendor. Plus, ekspertët thonë se ato thjesht nuk funksionojnë. Ndryshoni mjedisin Nëse...

Humb jetën fëmija duke luajtur...

Një familje në Orlando po vajton për një humbje tragjike pasi vogëlushi i tyre vdiq si rezultat i futjes në lavatriçe. Fëmija dyshohet se po luante me motrën kur u...

Zakonet «e shëndetshme» nga të...

Prindërit tanë na mësojnë gjëra dhe ne duam t'ua përcjellim fëmijëve tanë sepse ne mendojmë se ato janë të mira për shëndetin dhe zhvillimin e tyre. Por siç rezulton, disa...

Kondicioneri dhe ventilatori mund të...

Edhe pse shumë e konsiderojnë si një problem që ndodh vetëm gjatë dimrit, në realitet i ftohti mund të shfaqet edhe gjatë verës. Këtu nuk ka asgjë të çuditshme: edhe...

Ne kemi reklame ju lutem caktivizoni adblock ne menyre qe te navigoni lehtesisht.
Faleminderit!

A keni një llogari? Identifikohu


Regjistrohu


X

Ndrysho fjalkalimin


X