loading

Pakësimi i kalorive që marrim përmirëson shëndetin

0 0

Nuk është surprizë që pakësimi i kalorive mund të çojë në humbje peshe, por gjithashtu mund të ulë presionin e gjakut, zvogëlon inflamacionin, përmirëson nivelet e kolesterolit dhe ndihmon për kontrollin e sheqerit në gjak.

Një studim i ri ka analizuar sesi kufizimi kronik i marrjes së kalorive mund të ndikojë në trup. Studiuesit ndoqën 218 të rritur të shëndetshëm, të moshave 21 deri në 50 vjeç, dhe rastësisht i caktuan ata të ulin 25% të kalorive të tyre ose të mbajnë dietën e tyre të zakonshme për dy vjet.

Por reduktimi i 25% të konsumit tuaj të kalorive nuk është një veprim i vogël dhe në fund shumica e pjesëmarrësve arritën të ulnin rreth 12% ose 300 kalori. Gjithsesi, pjesëmarrësit patën përfitime të rëndësishme.

Ata kishin presionin e ulët të gjakut dhe inflamimin e reduktuar, si dhe nivelet e përmirësuara të kolesterolit dhe sheqerit në gjak. Ata gjithashtu humbën rreth 10% të peshës së trupit.

Disa nga këto përfitime mund t’i atribuohen humbjes së peshës së pjesëmarrësve, që ishte mesatarisht rreth 7.2 kilogramë. Por përfitimet ishin kaq të rëndësishme saqë nuk mund të jenë vetëm për shkak të humbjes së peshës, tha në një intervistë Uilliam Kraus, autori kryesor i studimit dhe profesor i mjekësisë dhe kardiologjisë në Universitetin Duke.

Studimi sugjeron se kufizimi i kalorive mund të ketë efekte unike biologjike në rrugët e sëmundjes në trup, por nevojiten më shumë kërkime për të kuptuar se si.

Megjithëse, studimi tregoi gjithashtu se sa e vështirë mund të jetë për njerëzit që të zvogëlojnë sasinë e ushqimit që hanë për një periudhë të zgjatur kohore. Pjesëmarrësit kaluan trajnime intensive për mënyrën se si të gatuajnë ushqime me kalori të ulët dhe kishin kontrolle të rregullta me nutricionistët, por ata ende nuk ishin në gjendje të përmbushin edhe gjysmën e qëllimit të tyre të reduktimit të kalorive në 25%.

Lexo edhe: Sa kalori duhen ne shtatzani per te mbajtur nen kontroll peshen?

Për të lënë një koment ju duhet të jeni regjistruar Identifikohu



Materiale te ngjashme

Katër përfitime unike shëndetësore të...

Shumë njerëz nuk dinë ku ta kategorizojnë misrin: A është një perime, apo karbohidrat? Dhe a është në të vërtetë i mirë për ju? Teknikisht, misri është anëtar i gjithë...

A janë të shëndetshme kokoshkat?

Kokoshkat shihen si një zgjedhje e mirë për vaktet e ndërmjetme. Por a janë kokoshkat në të vërtetë të shëndetshme? Përgjigja është se kjo varet nga vaji i përdorur, çdo...

A shkakton humbje të flokëve...

Nëse dieta keto është "e shëndetshme", kjo është e diskutueshme. E krijuar fillimisht për të ndihmuar njerëzit që vuajnë nga konfiskimet epileptike, dieta është bërë një trend i humbjes së...

Përfitimet shëndetësore nga konsumi i...

Përveçse janë të shijshme, veçanërisht në kulmin e prodhimit të tyre, pjeshkët ofrojnë disa përfitime unike shëndetësore. Këtu janë tetë arsye pse duhet t'i konsumoni. Pjeshkët ndihmojnë tretjen Një pjeshkë...

Ne kemi reklame ju lutem caktivizoni adblock ne menyre qe te navigoni lehtesisht.
Faleminderit!

A keni një llogari? Identifikohu


Regjistrohu


X

Ndrysho fjalkalimin


X