Studime të shumta shkencore kanë treguar se ata që vuajnë nga çrregullime të gjumit mund të ankohen edhe nga ankthi dhe problemet e humorit. Për më tepër, pagjumësia mund të paraqitet si pasojë e një sëmundjeje psikiatrike I shkaktuar nga një rreth vicioz që rrezikon cilësinë e jetës. Megjithatë, kjo gjendje shpesh trashëgohet, siç tregon një studim i kohëve të fundit.

Nga babai tek djali

Pagjumësia është e trashëguar. Nëse babai ose nëna vuajnë nga çrregullime të gjumit, ka shumë gjasa që edhe fëmijët të vuajnë nga problemet me gjumin ne anen tjetër. Jo vetëm nga veset e këqija që mësohen në familje, por edhe nga transmetimi përmes gjeneve. Dhe këto gjene kanë të bëjnë me gjumin, por edhe me çrregullime psikiatrike dhe probleme metabolizmi. Një studim i Universitetit të Exeter dhe spitalit të përgjithshëm Massachusetts (Mgh) identifikoi 57 lokacione gjenetike (pozicioni i një gjeni në një kromozom) lidhur me pagjumësinë, duke shqyrtuar rezultatet e lidhura me 450 mijë njerëz.

Sëmundjet e ngjashme janë gjithashtu gjenetike

Pikërisht për shkak se gjenet që mund të shkaktojnë pagjumësi lidhen me tiparet psikiatrike dhe metabolike, mendohet se ekziston një korrelacion midis çrregullimeve të gjumit dhe sëmundjeve kronike, si psikiatrike, si ankthi dhe depresioni, dhe organike, siç është diabeti i tipit 2. Gjenet e pagjumësisë gjithashtu duket se rregullojnë emocionet dhe stresin, duke konfirmuar lidhjen mes ndjeshmërisë ndaj gjumit dhe variablave të tjerë që influencojnë. Në këtë kontekst, është edhe më e rëndësishme të ruhet një mënyrë jetese e rregullt për të kompensuar variablat gjenetikë.

Lexo edhe: Pagjumesia demton shendetin, ja cfare ndodh ne trupin tuaj