A duhet të ndjekim shembullin e Kardashian-ve dhe të marrim në konsideratë ngrënien e placentës ? Debati vazhdon! Vitin e kaluar “Center for Disease Control (CDC)”, në mënyrë zyrtare paralajmëroi të gjitha nënat e reja të mos konsumojnë placentën e tyre duke cituar dhe rastin e një fëmije që u infektua me streptokok të grupit B nga mamaja e cila konsumonte pilula placente. Por disa njerëzve nuk e konsideruan korrekte këtë deklaratë bazuar në faktin që ky rekomandim zyrtar u bazua vetëm në një rast. Ndaj Universiteti i Nevadës dhe universiteti i Shtetit të Oregonit bashkuan forcat dhe ndërmorën një studim për pasojat e konsumimit të placentës.

A shkakton efekte negative konsumimi i placentës?

“Duke marë parasysh rekomandimet e CDC zbulimet tona ishin vërtet surprizuese”, tha autori kryesor i studimit, Daniel Benyshek. Zbulimet tona tregojnë se nuk ka arsye të shqetësohemi se konsumimi i placentës njerëzore do të ketë pasoja të dëmshme për shëndetin e nënës apo të bebit.

Për të arritur në këtë konkluzion studiuesit, vëzhguan të dhënat mjekësore të 23.000 grave dhe bebave të tyre. Ata zbuluan se në asnjë nga rastet kur nënat kishin konsumuar pilula placente nuk kishte pasur probleme te bebet.

Por cilat janë efektet pozitive që mund përfitohen nga konsumimi i placentës?

Gjithsesi është e rëndësishme të përmendet se studiuesit nuk kishin mundur të gjenin prova as për përfitimet e supozuara që ka konsumimi i placentës. Arsyeja numër 1 për konsumimin e placentës është parandalimi i depresionit të paslindjes, por Benyshek dhe ekipi i tij nuk arritën të gjënin provat që e vërtetonin këtë supozim.

Megjithëse zbulimet e këtij studimi mund të jenë shpresëdhënëse nëse e keni vendosur tashmë ta kansumoni placentën, duhet të keni parasysh që studimi nuk i përjashton rastet e rralla të infeksioneve.

Lexoni dhe: Depresion pas lindjes së fëmijës? Ja se çfarë duhet të konsumoni per te ulur rrezikun

 

')}