Pas largimit të parakohshëm nga jeta të yllit të basketbollit Kobe Bryant dhe vajzës së tij 13-vjeçare Gianna dhimbja ka pllakuar familjen e tyre.
Pak ditë pas tragjedisë, ka reaguar bashkëshortja e basketbollistit, e cila pasi vendosi foto profili dy të dashurit që humbi, ka publikuar një tjetër foto të gjithë familjes, me një shkrim shumë prekës që e shoqëronte.
“Vajzat e mia dhe unë duam të falenderojmë miliona njerëz që na kanë mbështetur dhe kanë treguar dashuri në këto momente të tmerrshme. Faleminderit për të gjitha lutjet. Kemi patjetër shumë nevojë. Jemi totalisht të shkatërruar plotësisht nga humbja e papritur e bashkëshortit tim të adhurueshëm, Kobe – një baba i mrekullueshëm – dhe e Gianna-s sime të bukur, të ëmbël – një vajzë e dashur, e qetë, e mrekullueshme dhe një motër fantastike për Natalian, Biankën dhe Caprin.
Jemi gjithashtu të shkatërruar nga dhimbja për familjet që humbën të dashurit e tyre të dielën.
Nuk kam mjaftueshëm fjalë për të përshkruar dhimbjen që ndjejmë tani. Më ngushëllon fakti që Kobe dhe Gigi e dinin se sa shumë i donim. Ishim të bekuar që i kishim në jetën tonë. Do të doja të ishin këtu përgjithmonë. Ishin bekim për ne, por ikën shumë shpejt.
Nuk jam e sigurt se si do të vazhdojë jeta pa ta dhe e kam të pamundur ta imagjinoj. Por ne do të zgjohemi çdo ditë, do të ecim përpara sepse Kobe dhe vogëlushja jonë, Gigi, do të na e ndriçojnë rrugën. Dashuria për ta është e pafundme. Do të doja shumë që t’i përqafoja, t’i puthja dhe t’i bekoja. Do të doja t’i kisha këtu përgjithmonë.
Faleminderit që ndatë gëzimin, pikëllimin dhe mbështjetjen me ne. Kërkojmë mirëkuptimin tuaj në mënyrë që ta kalojmë në privatësi këtë periudhë”, – shkruan ajo.
Për të lënë një koment ju duhet të jeni regjistruar Identifikohu