Sipas American Academy of Pediatrics, tiparet që e karakterizojnë gjumin e bebeve janë tepër individuale, pra një mund të flejë më shumë, një më pak, një mund të ketë gjumë të qetë dhe tjetri jo, e kështu me rradhë. Përsa kohë fëmija është në gjumë ai do të karakterizohet nga dy faza:
• REM-gjumi që karakterizohet nga pulitja e shpeshtë e syve;
• Jo-REM- gjumi që karakterizohet nga qetësia.
Fazat kryesore të gjumit të bebes
Faza e parë
Përgjumja, pra bebi fillon të bjerë në gjumë.
Faza e dytë
REM- ose ndryshe gjumi aktiv, gjatë të cilit fëmija mund të lëvizë duart dhe këmbët, si edhe të pulitë sytë edhe pse mund të jenë ende të mbyllura. Frymëmarrja është e çrregullt dhe mund të ndalojë për 5-10 sekonda. Ky është një kusht që konsiderohet tepër normal. Ai do të rifillojë me një shpejtësi më të madhe e cila karakterizohet nga 50-60 frymëmarrje në 10-15 sekonda. Më pas fillon frymëmarrja e rregullt dhe përsëritet cikli. Ngjyra e lëkurës nuk ndryshon, gjë e cila ndodh nëse fëmija vuan nga apnea e gjumit (bllokimi i frymëmarrjes).
Faza e tretë
Gjumi i lehtë në të cilin frymëmarrja bëhet më e rregullt dhe gjumi është më pak i thellë.
Faza e 4 dhe 5
Gjumi i thellë jo-REM (gjumi i qetë). Lëvizja e gjymtyrëve bie dhe fëmija bie në një gjumë më të thellë. Në këtë fazë fëmija e ka më të vështirë të zgjohet.
Lexoni dhe:10 arsyet me te zakonshme, pse bebet zgjohen naten
Për të lënë një koment ju duhet të jeni regjistruar Identifikohu