Shkencëtarët që shikuan ADN-në e 1.2 milion njerëzve zbuluan se njerëzit më të gjatë kishin më shumë gjasa të kishin fibrilacion atrial.

Për çdo cm shtesë gjatësi, rreziku rritej me tre përqind.

Shkencëtarët e Universitetit të Pensilvanisë tani besojnë se gjenet duhet të fajësohen dhe u bënë thirrje mjekëve për të ekzaminuar njerëzit e gjatë për sëmundjet e zemrës.

Studime të tjera, megjithatë, kanë sugjeruar që njerëzit më të gjatë kanë një rrezik më të madh sepse ata kanë ‘një zonë më të madhe të sipërfaqes së zemrës”.

Fibrilacioni atrial është një ritëm jo normal i shpejtë i zemrës, dhe rrit gjasat për të patur një goditje.

Më shumë se 33 milion njerëz në të gjithë botën kanë këtë problem.

Mosha dhe presioni i lartë i gjakut, i cili prek gjithashtu miliona njerëz, mendohet se janë faktorët kryesorë nxitës të fibrilacionit atrial.

Studimi i ri, që do të prezantohet në një konferencë të kardiologjisë në Filadelfia, shton provat se të qenit i gjatë mund të rrisë gjithashtu rrezikun për këtë problem.

Grupi i parë i të dhënave të përdorura ishte nga një projekt që përfshinte më shumë se 700,000 njerëz, të cilët u studiuan sipas geneve përgjegjëse për gjatësin.

Të dhënat e mbledhura nga 500,000 njerëz në një studim për të zbuluar fillesat e ADN-së të lidhura me fibrilacionin atrial u përdorën gjithashtu në këtë analizë.

“Gjetjet tona tregojnë se një grup i caktuar pacientësh – posaçërisht, pacientët shumë të gjatë – mund të përfitojnë nga ky studim dhe të kenë kujds”, thotë studiuesi kryesor.

Lexo edhe: Ecja 40 minuta në ditë parandalon problemet me zemrën