Shtatzënia është padyshim një nga periudhat më të veçanta në jetën e çdo gruaje pavarësisht vështirësive që grave ju duhet të kalojnë.

Një nga këto vështirësi ka të bëjë pikërisht me mënyrën e ushqyerjes. Dhe duket se ushqyerja gjatë shtatzënisë ka qenë problem edhe për Arbana Osmanin kur ishte në pritje të Jonit.

Ditën e sotme ajo ka rrëfyer një sekret që nuk e dinim. Dihet tashmë që përveç televizionit, një nga pasionet e tjera të mëdha të Arbanës është gatimi dhe talentin ajo e ka shpalosur edhe në një libër që ka botuar disa vite më parë me titull: “Receta për njerëzit që dua”. Sot në shtëpinë e moderatores ka qenë dita e sushit dhe gjatë pasazheve të përgatitjes së kësaj recete, Arbana ka ndarë edhe një moment nga shtatzënia dhe pamundësia për të shijuar sushit gjatë kësaj periudhe nëntë mujore.

“Kërkoj falje për gjithë shtatzënat. Mos ngrënia dot e sushit me peshk të gjallë ka qenë edhe për mua një torturë gjatë asaj periudhe”, thekson moderatorja që ndau kështu me ne një element që nuk e dinim gjatë shtatzënisë së saj.