Një javë më parë, çifti shumë i dashur Orinda Huta dhe Turjan Hysko përjetuan lumturinë më të madhe të jetës. Orinda solli në jetë një vogëlushe, fëmijën e tyre të parë, që e pagëzuan me emrin Atara.
Ishte Turi ai që ndau menjëherë në rrjetet sociale fotot e vajzës, duke bërë publik portretin e saj.
Ditën e djeshme, kur Atara u bë një javëshe, Orinda i ka bërë një dedikim ku shpreh gjithë emocionet që i ka falur mëmësia.
“Një javë me ty, një javë mrekulli, e që tani mendoj se koha kalon shpejt. Më vjen për të qarë sa herë të shikoj dhe falenderoj Zotin çdo çast për këtë bekim. Sa shumë jam lutur për ty e do vazhdoj po njësoj gjatë gjithë jetës. Nuk gjej dot fjalët për të përshkruar gjithë dashurinë që kam brenda vetes për ty. ATARA jonë, kurorë e bekuar e dashurisë tonë 14-vjecare” , shkroi Orinda kraahs fotove së bashku me Atarën dhe me njerëzit e zemrës, në fytyrat e të cilëve rrezaton vetëm lumturi.
Për të lënë një koment ju duhet të jeni regjistruar Identifikohu