Ndikimi i gjendjes shpirtërore dhe emocionale në shëndet është temë diskutimesh në nivele profesorësh e studiuesish. Një studim i ri, botuar së fundmi në SHBA tregon se lumturia ose mungesa e saj në fëmijëri përcaktojnë ndjeshëm gjendjen shëndetësore për vitet në vijim.
Fëmijëri e lumtur, zemër e shëndetshme
Studimi thotë se lumturia mund të ketë ndikim pozitiv në shëndet, veçanërisht në sistemin kardiovaskular. Kështu, ata që kalojnë një fëmijëri të lumtur kanë prirje të kenë zemër të shëndetshme në moshë madhore.
Mungesa e lumturisë, shkak për një sërë sëmundjesh
Fëmijët që kalojnë episode të vështira gjatë fëmijërisë, që vuajnë ankthin, stresin, probleme të divorcit të prindërve, që keqtrajtohen fizikisht në familje dhe jashtë saj, janë më të rrezikuar për t’u prekur nga sëmundjet e zemrës në të ardhmen. Studimi zbuloi gjithashtu se personat që kalojnë fëmijëri dhe adoleshencë të vështirë kanë më shumë shanse të preken nga diabeti, tensioni i lartë i gjakut dhe obeziteti, të cilat rrjedhimisht shkaktojnë probleme të zemrës.
Stresi kronik
Ende nuk ka një shpjegim përfundimtar mes lidhjes së stresit në fëmijëri dhe sëmundjeve të zemrës në moshë madhore, por studiuesit japin këto dy shpjegime: nga njëra anë stresi dëmton sistemin imunitar e nervor, gjë që shfaq pasojat pas shumë vitesh dhe nga ana tjetër dëmton qelizat.
Sipas një tjetër studimi, të publikuar në revistën “Journal Biomedical” pakësimi i stresit dhe ankthit ul presionin e gjakut dhe zvogëlon rreziqet për shëndetin e zemrës.
Lexo edhe: Metoda hygge per te rritur femije te lumtur
Sorry, there are no polls available at the moment.
')}
Për të lënë një koment ju duhet të jeni regjistruar Identifikohu