Fëmijët e këngëtarëve Alban Skënderaj dhe Miriam Cani gjithmonë na kanë kënaqur sytë e zemrën në çdo postim të prindërve të tyre, por videoja e fundit e Amelisë do të jetë gjëja më e bukur që keni parë sot.

Miriami ka filmuar momentin kur Ameli, si motra e madhe ka vënë në gjumë vëllain e vogël Duamin, duke i kënduar një ninullë të bukur dhe tepër origjinale.

“Nani nani shpirti i motrës, të më rritesh si drita e hënës”- dëgjohet zëri i mrekullueshëm i vogëlushes.

Për momentin, çifti i këngëtarëve nuk e ka treguar asnjëherë portretin e djalit në rrjete sociale, duke rritur kështu kuriozitetin e fansave për të.