Hulumtuesit në Queen’s University Belfast analizuan të dhënat nga mbi 469.000 njerëz në Britaninë e Madhe, duke investiguar lidhjen midis shëndetit oral dhe rrezikut të kancereve gastrointestinalë, duke përfshirë mëlçinë, zorrën së trashë, rektum-in dhe kancerin e pankreasit.
Ata kanë gjetur një lidhje të konsiderueshme midis mungesës së higjienës orale dhe kancerit hepatocellular (HCC), e cila është edhe forma më e zakonshme e kancerit të mëlçisë.
Mungesa e higjenës orale është e lidhur me rrezikun e disa sëmundjeve kronike, siç janë sëmundjet e zemrës, apo edhe goditjet në zemer dhe diabeti.
Nga 469.628 pjesëmarrës në studim, 4.069 u prekën nga kanceri gastrointestinal gjatë një periudhe (mesatare) gjashtë-vjeçare. Në 13% të këtyre rasteve, pacientët raportuan se kishin mungesë të higjienës orale.
Cfarë e lidh mungesën e higjienës me kancerin e mëlçisë
Arsyeja pse mungesa e higjienës mund të jetë më e lidhur me kancerin e mëlçisë, në vend të kancereve të tjerë të tretjes nuk është shumë e qartë.
Një shpjegim është roli i mundshëm i baktereve në gojë që bëjnë të mundur zhvillimin e kancerit.
Mëlçia kontribuon në eliminimin e baktereve nga trupi i njeriut. Kur mëlçia preket nga sëmundje të tilla si hepatiti, cirroza ose kanceri, funksioni i saj bie dhe bakteret mbijetojnë gjatë dhe prandaj kanë edhe potencial të shkaktojnë më shumë dëm.
Një tjetër teori që shpjegon se rreziku i prekjes nga kanceri mund të jetë i lartë nëse ke higjienë të dobët orale është se pjesëmarrësit të cilëve u mungonin shumë dhëmbë, mund të ndryshonin dietën e tyre duke konsumuar ushqime më të buta dhe më pak ushqyese të cilat nga ana tjetër ndikonin në rrezikun e kancerit të mëlçisë.
Kanceri i mëlçisë është sëmundja vrasëse e gjashtë më e madhe në BE me një mbijetesë prej vetëm 11 për qind në pesë vite. Besohet se gati gjysma e rasteve të kancerit të mëlçisë janë të parandalueshme dhe janë rezultat i mbipeshës ose i obezitetit, pirjes së duhanit dhe alkoolit.
Lexo edhe: Vitamina D parandalon kancerin e zorrës së trashë
Për të lënë një koment ju duhet të jeni regjistruar Identifikohu