Gjatë viteve të fundit është vënë re një rritje e ndjeshme e numrit të nënave që punojnë, kjo si pasojë e nevojës për të ardhura, duke qënë se edhe kërkesat e fëmijës janë më të mëdha, por edhe si një mënyrë për të qënë më e realizuar në atë pjesë të jetës që lidhet me karrierën, duke mos lënë pa përmendur sigurisht edhe rëndësine e të qënit aktive por edhe e pavarur ekonomikisht. Pra tashmë, jemi të vetëdijshme se përgjegjësia ekonomike nuk është më vetëm e babait.
Por shpesh nënat që punojnë paragjykohen!
Dhe kjo sigursht pa të drejtë, e madje mund të themi se shpesh janë pikërisht nënat që nuk punojnë që mbrojnë këtë teori, për arsye të ndryshme. Tashmë edhe studimet tregojnë se nënat duhet të punojnë dhe kjo është shumë e rëndësishme edhe në lidhje me zhvillimin e fëmijës. Sipas një studimi të kryer në “Harvard BusinessSchool”, nënat që punojnë i rrisin më mirë fëmijët e tyre.
Fëmijët e rritur nga nënat që punojnë, do të kenë më tepër sukses në moshë madhore, pasi ata do të kenë një mbështetje dhe stimuj më të mirë nga ana e prindërve në punë. Pra kjo tregon se ata do të jenë më të prirur për të qënë më të aftë në karrierë. Kjo gjë do të ndikohet sigurisht edhe nga faktorë të tjerë.
Edhe sipas një studimi të bërë nga “International Social Survey Programe”, në të cilin u përfshinë 24 shtete, fëmijët rriten më mirë nga nënat që punojnë. Ata theksojnë se këta fëmijë do të jenë më tepër të përgjegjshëm, që në moshë të vogël, dhe do të jenë më të gatshëm të kujdesen edhe për të tjerët, si për shembull për vëllezërit apo motrat më të vogla. Ata gjithashtu do të jenë në gjendje të kujdesen më mirë edhe për shtëpinë.
Ata do të kenë më tepër mundësi edhe për të gjetur punë!
Kjo mundësi rritet me rreth 4-5% krahasuar me fëmijët e tjerë, duke qënë më të favorizuar për të pasur edhe poste drejtuese apo menaxhuese.
Lexo edhe:
Tavani i qelqte ne tregun e punes!
Pas lindjes, ne pune apo ne shtepi?
Ato qe nuk duhet t’i thoni nje nene qe punon
')}
Për të lënë një koment ju duhet të jeni regjistruar Identifikohu