Këtë me siguri edhe ju e keni dëgjuar shpesh dhe nëse jeni një nënë që punoni ndoshta jeni ndierë edhe më keq. Por a e dini se çfarë përgjigje ka dhënë një nënë në rrjetin social Instagram në lidhje me një shprehje të tillë…

Tova Leigh, blogere dhe aktore, jep një përgjigje të merituar për të gjithë…

“Po i kthej një përgjigje personit që më shkruajtise nënat që punojnë nuk janë nëna të mira dhe të vërteta. Para së gjithash jetojmë në shekullin 21 por me siguri njerëz si ty e kanë humbur kujtesën, megjithatë më lejo të të jap lajmin “gratë punojnë”!

Së dyti mendoj se nuk ke një koncept të qartë të asaj që do të thotë “të jesh një nënë e mirë” dhe më lejo të ta shpjegoj.

Nuk ka rëndësi nëse një grua nxjerr nga vagina e saj fëmijën apo i çajnë barkun për t’i nxjerrë beben, nëse e ka adoptuar me shumë dashuri. Nuk ka rëndësi nëse ushqen me gji apo biberon në çdo orë të ditës dhe natës, nëse qëndron në shtëpi apo kthehet në punë. Nuk ka rëndësi nëse luan me fëmijën për 5 orë në ditë pa ndërprerje apo harxhon edhe kohë për veten e saj. Nuk ka rëndësi nëse gatuan, porosit darkën jashtë, nëse shtëpia e saj është e pastër apo rrëmujë, nëse biskotat i gatuan në shtëpi apo i blen në dyqan. Nuk ka rëndësi nëse ka durim apo shpesh e humb atë.

Ajo që ka rëndësi është që e do fëmijën e saj me gjithë zemër dhe bën më të mirën për t’u kujdesur për të, në mënyrën e duhur. Sepse “nëna e mirë” mund të gjendet në të gjitha format e mundshme dhe nuk ka një formë të caktuar të përkufizimit si një prind i mirë.

Dhe për ta mbyllur një nënë nuk ka nevojë për kritikat e tua dhe të askujt tjetër në lidhje me zgjedhjet që ajo bën, por ti je shumë i/e mirëpritur të japësh ndihmë nëse je në gjendje.

Jemi mjaftueshëm të forta për të pranuar se të jesh një “nënë e vërtetë” (çfarëdolloj kuptimi të ketë për secilin prej nesh) nuk është e lehtë dhe në vend që të flisni jepni ndihmën tuaj!

 

Ose… na lini ta bëjmë sipas mënyrës tonë!

Lexoni dhe: 10 gjerat qe vetem nje nene qe punon mund te kuptoje