Ende nuk e dimë pse, por tani është provuar nga të dhënat: një fëmijë në barkun e nënës mund të ndërhyjë direkt në rrezikun e nënës për të vuajtur nga diabeti gestacional ose i tipit 2.

Anomalitë metabolike

Në hulumtim janë analizuar normat e rasteve të diabetit dhe është zbuluar se nënat që prisnin djem kanë më shumë gjasa të zhvillojnë diabetin gestacional, ndërsa ato që presin vajza kanë më shumë rrezik të preken nga diabeti i tipit 2 pas lindjes.

Kjo sugjeron se këto paciente kishin anomali serioze themelore metabolike, që i bënë ato më të ndjeshme ndaj diabetit gestacional, edhe pa efektin e shtuar të një fetusi mashkull. Sipas autorëve, ky studim sugjeron se fëmija mund të ndihmojë të kuptohet më mirë shëndeti i nënës dhe ndihmon të parashikohet rreziku i sëmundjeve në të ardhmen.

Diabeti gestacional

Diabeti gestacional ndikon në mes të 1 dhe 14% të grave shtatzëna dhe mund të rrisë rrezikun e hipertensionit, një seksioni cezarian apo lindjessë parakohshme, rrezikun e komplikime gjatë lindjes për shkak të peshës së tepërt të të porsalindurit. Diabeti gestacional ndodh kur një grua shtatzënë ka nivele të larta të glukozës ose sheqerit në gjak.

Mendohet se diabeti gestacional ndodh për shkak të një kombinimi të anomalive metabolike tek nëna dhe të ndryshimeve të përkohshme që ndodhin gjatë shtatzanisë. Rezultatet e hulumtimit sugjerojnë se fetusi mashkull shkakton ndryshime metabolike më shumë se një fetus femër.

Lexo edhe: A mund te bej lindje natyrale nese kam diabet gestational?