Mëmësia dhe shqetësimet shkojnë dorë për dore. Dhe asgjë nuk krahasohet me gjendjen konstante të shqetësimit që shumica e nënave përjetojnë gjatë vitit të parë të ardhjes së fëmijës. Në fakt, nënat shpenzojnë më shumë se 1,400 orë duke u shqetësuar për shëndetin e të porsalindurit gjatë vitit të parë, sipas një sondazhi të kryer së fundmi. Kjo është më shumë se tetë javë të kaluara pa bërë asgjë, por shqetësuese.

Ka një sasi të madhe të informacioni dhe po aq sa mund t’ju ndihmojë, mund të shkaktojë gjithashtu ndonjë dëm. Mesatarisht, një nënë kryen 330 kërkime në Google ose në internet për shëndetin e foshnjës dhe zhvillon 337 telefonata ose mesazhe të njëpasnjëshme me nënën e saj rreth simptomave që fëmija po përjeton dhe çfarë nënkuptojnë.

Është e natyrshme të ndiheni sikur nuk jeni gati për të qenë prindër, por sigurohuni të dini se kjo periudhë pasigurie nuk është asgjë e re. Madje edhe gjyshërit që duket sikur kanë shumë siguri dhe përvojë, dikur nuk dinin të ndërronin as pelenat, si ju tani.

Të bëhesh nënë do të thotë të hidhesh në një territor të panjohur dhe të mësosh vetëm duke e jetuar atë përvojë.

Sondazhi zbuloi se prindërit shqetësohen më shumë për shëndetin e përgjithshëm të fëmijës së tyre. Shqetësime të tjera janë nëse foshnja po arrin zhvillimin e duhur në moshën e duhur, nëse foshnja po merr sasinë e duhur të qumështit ose formulës, dhe nëse një fëmijë i vogël po rritet dhe zhvillohet me shpejtësi të rregullt.

Sipas anketës, alergjitë, që ishin një fokus i madh i hulumtimit, janë gjithashtu një temë tjetër për të cilën prindërit përjetojnë ankth, por vetëm 55 për qind e nënave e dinë se ka mënyra për të ndihmuar në reduktimin e gjasave të alergjive të ardhshme të foshnjës. Në mënyrë të veçantë, 76 për qind e pediatërve raportojnë se prindërit e rinj nuk kanë informacion rreth alergjive.

Lexo edhe: 13 nëna tregojnë se kur e ndjenë veten gati për të bërë një fëmijë tjetër