Denise Jones vodhi vëmendjen gjatë një koncerti të këngëtares Pink në Liverpool. Nëna e fëmijës nuk priste që foshnja e saj të vinte në jetë deri në tre javët e ardhshme, por, pak nga pak, foshnja e saj nuk mund të priste. Me ndihmën e mjekëve të koncertit, Jones lindi vajzën e saj gjatë shfaqjes.
Mbesa e Jones, Chloe Dryhurst bëri një postim në Twitter për të ndarë njoftimin.
“Baby Dolly Pink, e lindur në Anfield ndërsa shikonte koncertin e Pinkut! Mamaja dhe foshnja janë shumë mirë, falë ndihmësve të mahnitshëm që i shpetuan”, shkruan Dryhurst.
Javën e koncertit, Dryhurst tregon se tezja e saj kishte ndjerë disa “dhimbje nga presioni”, por nuk mendoi asgjë rreth lindjes. Kur nata e koncertit u erdhi, ajo ndjehej “mirë” dhe asgjë nuk ishte e pazakonshme. Deri në këngën e hapjes. “Sapo ajo ishte atje dhe muzika filloi, atëherë ajo e dinte dhe ishte tepër vonë.”
Jones ka lindur në javën e 36, ndërkohë që Pink hyri me këngën “Le të fillojë festa”. Sipas Dryhurst, “gjithçka ndodhi në rreth 15 minuta”. Ndonëse Jones po planifikonte ta quante vajzën e saj Dolly Louise, në këto rrethana, ajo kuptoi se Dolly Pink ishte emri më i përshtatshëm.
Lexo edhe: I fillojnë dhimbjet e lindjes, nëna shkon në ceremoninë e diplomimit
Për të lënë një koment ju duhet të jeni regjistruar Identifikohu