Të jesh nënë beqare është shumë e vështirë, por të jesh nënë beqare dhe të punosh është edhe më e vështirë.
Gjatë gjithë fëmijërisë sime nëna ime ishte shtylla e familjes dhe jam rritur duke e parë të punonte dhe të kujdesj për ne, tre fëmijët e saj. Duke u rritur në një familje me prindër të divorcuar, kuptova se dinamika jonë ishte ndryshe nga familjet e tjera. Por gjithashtu kuptova se të kesh një nënë që punon me orar të plotë nuk është diçka shumë e zakonshme.
Isha e vetmja në rrethin shoqëror që kisha një nënë që ndiqte karrierën dhe kam qenë gjithmonë krenare për këtë.
Ndjekja e karrierës nga nëna ka qenë gjithmonë burim frymëzimi për mua. Ajo nxiti një dëshirë të brendshme për të punuar fort në një moshë të re.
Nëna ime e dinte se kishte një rrugë të vështirë për të ndjekur karrierën në fushën e inxhinierisë, që konsiderohej si fushë mashkullore dhe t’ja dilte të kujdesej për ne. Por ajo ia arriti gjithsesi me punë, trimëri dhe qetësi.
Ndërsa vazhdoi karrierën, ajo u diskriminua dhe u gjykua që nuk qëndronte shumë me ne në shtëpi nga shumë kolegë të saj.
Ajo mund të kishte dëgjuar kritikat e të hiqte dorë, por nuk e bëri. Me shembullin e saj na tregoi se si është të jesh nënë e të punosh. Më tregoi se çfarë mund të arrish nëse punon dhe je këmbëgulëse. Më tregoi ndjesinë e jashtëzakonshme kur sheh se ëndrrat bëhen realitet.
Më tregoi se është e mundur t’i tregosh botës se je e zgjuar dhe e aftë, edhe kur të tjerët thonë të kundërtën.
Më tregoi se edhe unë jam e aftë dhe se mundësitë për të ardhmen time janë të pafundme.
Kur kam qenë fëmijë nuk e kam ndjerë kurrë mungesën e saj. Edhe pse nëna ime i kushtonte shumë rëndësi karrierës, ajo nuk na la kurrë pas dore. Nga momenti që hynte në shtëpi pas punë, ajo ishte vetëm nënë dhe ishte shumë krenare për ne. Na ka ndjekur në çdo aktivitet tonin, na ka inkurajuar të ndjekim ëndrrat dhe ka qenë gjithmonë pranë nesh.
Faleminderit mami që më tregove se është e mundur të jesh e suksesshme edhe si nënë edhe si profesioniste. Faleminderit që më ke dhënë shembullin e pavarësisë, vendosmërisë. Faleminderit që ndoqe ëndrrat e tua dhe nuk hoqe dorë.
Por mbi të gjitha, faleminderit që gjithmonë ke qenë “nënë”.
Lexo edhe: Sfidat e te qenit nene beqare
Sorry, there are no polls available at the moment.')}
Për të lënë një koment ju duhet të jeni regjistruar Identifikohu