Dubai: Ministria Saudite e Punës dhe Zhvillimit Social shpëtoi dy vajza binjake nga nëna e tyre, pasi videot ku ajo i torturonte u bënë virale në mediat sociale.

Në video duken vajzat binjake rreth gjashtë muajshe, duke qarë shumë ndërsa nëna i rrah dhe i godet dhe gjithashtu i hedh nga një lartësi në dysheme derisa njërës prej tyre  i del gjak.

Gjithashtu, në një video tjetër, nëna përpiqet të mbysë njërën nga vajzat dhe duket se i thotë “sot do të të vras”.

Masivisht në Arabinë Saudite filluan të shpërndahen videot në TWitter duke etiketuar ministrinë Saudite të Punës dhe Zhvillimit Social dhe shumë zyrtarë të tjerë me një hashtag duke thënë “Nëna torturon vajzat e saj”.

Khalid Aba Khail, zëdhënësi i ministrisë përmendi se Qendra kundër Dhunës Familjare ishte njoftuar dhe autoritetet po kërkonin foshnjet. Khail gjithashtu inkurajoi të gjithë ata që kishin informacion foshnjat të telefononin.

Pas kontrollit nga sauditët në platformat e mediave sociale, ata shpejt gjetën personin që fillimisht i postoi videot.

Një qytetar jemenas, Mohanad Al Hashdi, i cili e njihte familjen e babait që jetonte në Jemen ishte pas postimit të këtyre videove.

Prindërit e vajzave tani janë të divorcuar dhe bashkëshorti nuk e mbështet nënën. Kështu që gruaja bëri këto video duke torturuar foshnjat e saj. Ajo i dërgoi ato te babai i ish-burrit të saj që jeton në Jemen në mënyrë që ai ta detyrojë djalin t’i dërgojë për fëmijët.

Pas disa orësh, zëdhënësi i ministrisë, Khalid Aba Khail, shkroi në TWitter se binjakët u gjendën, u shpëtuan dhe tani janë mirë.

Ministria i shtroi në spital binjakët dhe më vonë iu dhanë familjes së babait pas kontrolleve të nevojshme mjekësore.

“Ky është qartazi një rast i dhunës në familje, foshnjat nuk do të kthehen kurrë te nëna”, thanë zëdhënësit e ministrisë në një intervistë.