Duke qënë se po afron stina e verës dhe pishinat do të bëhen një prej vendeve më të parapëlqyera, duhet të dini se brenda tyre është e ndaluar të urinohet, dhe këtu vlen edhe për urinën e fëmijës. Dikur, Michael Phelps (kampion noti) është shprehur se urinimi është një proçes që kryhet nga të gjithë ndërsa janë në pishinë duke notuar dhe se për të kjo nuk përbën asnjë rrezik duke qënë se klori që ndodhet brenda ujit dezinfekton.
Por çfarë thonë ekspertët?
Studimet shprehen se…
Nuk është e vërtetë që urinimi nuk përbën asnjë problem! Sipas një studimi të publikuar në revistën e shkencës dhe teknologjisë ambientale, kjo gjë përbën një rrezik. Sipas ekspertëve, acidi urik që ndodhet në pishinë futet në ndërveprim me klorin që ndodhet në pishinë, dhe nga ky veprim formohen dy substanca (trikloroamina dhe kloruri i cianogjenit) të cilat mund të jenë shumë të dëmshme për shëndetin.
Trikloroamina: mund të provokojë probleme respiratore të personelit që punon tek pishinat.
Kloruri i cianogjenit: lidhet me disa probleme në zemër, mushkëri dhe sistemin nervor qëndror.
Pra mendohuni dy herë para se të urinoni në pishinë apo të lini fëmijët tuaj ta bëjnë këtë. Të dalësh nga uji për të shkuar në tualet mund të jetë disi e “bezdisshme” por me siguri është shumë e shëndetshme!
Për të lënë një koment ju duhet të jeni regjistruar Identifikohu