Përgatitja e dhomës së fëmijës si edhe blerja e sendeve të bebes është një prej gjërave më emocionuese të shtatzanisë. Duke filluar qysh në muajt e parë prindërit fillojnë të mendojnë si të dekorojnë muret, çfarë të blejnë e me radhë. Por cili është muaji në të cilin duhet të fillojnë përgatitjet?

Kur duhet të përgatisim dhomën e fëmijës?

Nëse keni vendosur të krijoni një dhomë të posaçme për fëmijën tuaj mund të filloni ta dekoroni atë në momentin që do të mësoni gjininë e fëmijës, e kundërta nëse do të vendosni të krijoni një atmosferë neutrale.

Po veshjet e fëmijës?

Edhe në këtë rast do të ishte mirë të prisnit për të zbuluar gjininë e fëmijës, e cila do të jetë më e saktë pasi të keni bërë ekon morfologjike, pra në muajin e 5. Nuk duhet të lini gjithcka për në momentin e fundit kjo pasi me kalimin e muajve do të rëndoheni si edhe lindja mund të ndodhë para muajit të 9.

Po nëse fëmija do të flejë me prindërit?

Në këtë rast mund ta përgatisni dhomën e tij edhe pasi ai ka lindur, dhe konkretisht në momentin që do ta vendosni atë në dhomën e tij. Ndërkaq mund të flejë në dhomën tuaj, e cila duhet të ajroset vazhdimisht gjatë ditës.