Ju nuk duhet të shqetësoheni nëse ndiheni të lodhura gjatë shtatzanisë, kjo sepse trupi juaj është duke bërë një punë të dyfishtë për të përballuar shtatzaninë. Pra është shumë normale që gjatë muajve të parë të ndiheni të pafuqishme dhe shpesh të kaloni në gjendje të fikti, të djersiteni, të keni nevojë për gjumë etj.

Nuk duhet të shqetësoheni

Nuk duhet të harroni se organizmi është duke punuar dyfish për të përballuar shtatzaninë dhe shpesh nëna ka mungesë të disa elementëve të rëndësishëm si hekuri, gjë që mund të shkaktojë anemi, si edhe glukoza, një sheqer që i jep energji trupit. Në këtë fazë është shumë e rëndësishme të pushoni sa më shumë dhe të evitoni disa nga veprimtaritë që bënit më parë dhe që mund t’ju bëjnë të humbni shumë energji.

Ju këshillojmë

Të qëndroni larg vendeve të mbyllura dhe të nxehta, të qëndroni në këmbë për shembull në autobusët e transportit publik apo në rradhë për të paguar/blerë diçka.

Mos qëndroni për një kohë të gjatë pa ngrënë diçka dhe mbani gjithmonë me vete një pako me karamele për të konsumuar një sa herë ndiheni keq. Zakonisht lodhja dhe gjendja e gjumit zhduken rreth trimestrit të dytë.

Lexoni edhe: Dhimbjet e barkut ne shtatzani