Një dramë ka ndodhur në Vibo Valentia. Pasi u dërgua në shtëpi për shkak të mungesës së anestezistëve në spital, një grua humbi fëmijën që priste. Por spitali përmes një shënimi zyrtar ka dashur të hedhë poshtë akuzat, duke deklaruar se fetusi në të vërtetë ishte tashmë i vdekur.
Faktet e ngjarjes
Një grua shtatzënë, pasi ka kryer një kontroll, ka qenë në pritje që do ta fusnin në sallë për të kryer lindjen me operacion cezarian. Por atë nuk e futën kurrë, për shkak të mungesës së mjekëve anestezistë në spital.
Akuza e anëtarëve të familjes
Në spital i thanë të kthehej të nesërmen, ndërkohë fëmija i saj kishte vdekur. 32-vjeçarja, humbi foshnjën e saj në javën e tridhjetë e nëntë të shtatzanisë. Stafi i Vibo Valentës urdhëroi inspektimin e brendshëm, por hodhi poshtë pretendimet e anëtarëve të familjes.
Mbrojtja e spitalit
Zonja më 26 shtator, duke qenë në javën e 37-të të shtatzanisë, u paraqit në repartin e Obstetrikës dhe Gjinekologjisë në Spitalin Vibo Valentia për kontrollet e parashikuara shëndetësore. Në këto rrethana, pacientja iu nënshtrua ekzaminimeve laboratorike dhe instrumentale (marrja e mostrave të gjakut, ultratingujt, flukmetri, elektrokardiogrami, etj.). Meqenëse nuk u shfaqën probleme për fetusin dhe vetë pacienten, kjo e fundit u dërgua përsëri në shtëpinë e saj jo përpara se të binte dakord me mjekët për shtrimin në spital të planifikuar për 10 tetor (java e 39 e shtatëzënësisë), në mënyrë që të vazhdohej me lindjen me operacion. Më pas zonja iu nënshtrua kontrolleve të mëtejshme, nga të cilat për fat të keq rezultoi se fëmija nuk jetonte më.
Ky është versioni i spitalit.
Drejtori i Përgjithshëm i Tripodit konfirmoi gjithashtu fillimin e një hetimi të brendshëm, me qëllim konstatimin e asaj që ndodhi dhe çfarëdo përgjegjësie.
Lexo edhe: Pse kam frikë pas vdekjes së nënës pas lindjes në Elbasan?
Për të lënë një koment ju duhet të jeni regjistruar Identifikohu