Personat që kanë mungesë të vitaminës D mund të jenë më të rrezikuar të rezultojnë pozitivë ndaj Covid-19. Kjo u zbulua nga një studim i kryer nga Universiteti i Çikagos që u botua së fundmi në Journal of the American Medical Association Netëork Open. Sipas ekspertëve, me më pak vitaminë D, gjasat e rezultatit pozitiv mund të rriten deri në 60%.

E dobishme, por jo mbrojtëse

Nga këto të dhëna, studiuesit u përpoqën të kuptonin se çfarë efekti ka në të vërtetë vitamina D tek virusi që po mban nën kontroll të gjithë botën. Siç është shpjeguar nga një nga nënshkrimet e para të studimit, Profesor David Meltzer i Universitetit të Çikagos, është e rëndësishme të sqarohet menjëherë se këto të dhëna nuk tregojnë në asnjë mënyrë veprimin mbrojtës të vitaminës D kundër Covid-19.

Marrëdhënia me sëmundjet e frymëmarrjes

Vitamina D, thekson Meltzer, ka një veprim të rëndësishëm në sistemin imunitar. Në fakt, përmes kësaj vitamine, sigurohet funksionimi i duhur dhe shëndeti optimal i qelizave që vendosen në punë për të luftuar infeksionet. Kjo konfirmohet gjithashtu nga studime të shumta të mëparshme që tregojnë se njerëzit me nivele të ulëta të vitaminës D kanë më shumë të ngjarë të vuajnë nga sëmundje të frymëmarrjes (astma, tuberkulozi) ose infeksione të mushkërive. Siç dihet, trupi prodhon vitaminë D bazuar në aftësinë e lëkurës për të thithur rrezet e diellit. Sigurisht që prania e ngjyrës në lëkurë (apo të qenit i zbehtë) ka rol të rëndësishëm.

Një çështje e lëkurës

Pikërisht nga ngjyra e lëkurës studiuesit filluan të vlerësojnë incidencën e Covid-19 në lidhje me vitaminën D. Janë analizuar 489 individë, 32% e të cilëve me lëkurë të bardhë dhe 25% me mungesë të vitaminës D (<20ng / ml). Duke kaluar këto të dhëna me ato të rezultateve pozitive për Covid 19, ekspertët zbuluan se 12% e personave me vlera normale rezultuan pozitivë për Covid-19. Nga ana tjetër, tek personat që kishin mungesë, të infektuarit arritën 19%.

Studimi do të kërkojë teste të mëtejshme klinike që lejojnë studiuesit të kuptojnë rolin që luan vitamina D në infektimin me Covid-19. Sapo të zbulohet marrëdhënia, përfundimisht do të jetë e mundur të përcaktohet sasia e saktë e vitaminës D që duhet marrë. Tani për tani, ekspertët rekomandojnë marrjen e sasisë normale, ose përmes ekspozimit të duhur në diell ose përmes shtesave në formë suplementesh. Megjithatë, personat që kanë probleme me veshkat duhet t’i monitorjnë me kujdes vlerat e vitmaniës D që marrin, sepse ekspozimi i tepërt mund të çojë në komplikime.

Lexo edhe: 5 ushqimet që përmbajnë vitaminë D