Adoleshentët dhe mungesa e vëmendjes: një nga shkaqet kryesore është edhe smartfoni, përdorimi i tepruar i të cilit mund të ndryshojë oraret e gjumit, të çojë në konsumimin e ushqimit shumë shpejt dhe të shkaktojë çrregullime të tjera.
Të rinjtë dhe marrëdhëniet shumë “sociale”
Ky është pretendimi i një studimi të publikuar në revistën mjekësore Gazetën e Shoqatës Mjekësore Amerikane: një përdorim i pakontrolluar i smartfonit sipas studiuesve do të rezultojë në dyfishim të rrezikut të zhvillimit të problemeve të sjelljes, sidomos hiperaktivitetit dhe defiçitit të vëmendjes, të cilat mund të ndikojnë në performancën akademike. Individët që kanë rreziqet më të mëdha janë adoleshentët të cilët shpesh përdorin bisedat virtuale për të kompensuar pasiguritë në marrëdhëniet shoqërore.
Studimi tek 4.100 fëmijë
Hulumtuesit në Universitetin e Kalifornisë Jugore kanë analizuar sjelljen e 4,100 fëmijëve të shkollës së mesme (mes pesëmbëdhjetë dhe gjashtëmbëdhjetë vjeç), duke përfshirë 2,587 të rinj pa çrregullime hiperaktiviteti dhe deficitit të vëmendjes. Ata u ndanë në tri grupe bazuar në frekuencën e përdorimit të katërmbëdhjetë rrjeteve sociale. Në përfundim të studimit, u vunë re simptoma të defiçitit të vëmendjes edhe tek ata që nuk i kishin pasur më parë.
Probabiliteti i zhvillimit të çrregullimeve tipike të deficitit të vëmendjes, për përdoruesit e shpeshtë të smartfonëve ishte rreth dyfish në krahasim me kolegët.
Me pak fjalë
Përdorimi i tepërt i telefonave mund të shkaktojë ndryshime në ritmin e gjumit, dhimbje koke, lodhje kronike, mungesë oreksi, stres, ankth, sjellje agresive dhe konflikte familjare.
Lexo edhe: Femijet e dyte me te crregullt se te paret
Për të lënë një koment ju duhet të jeni regjistruar Identifikohu