Shëndeti i syve varet shumë nga hidratimi i përgjithshëm i trupit. Dehidratimi i theksuar mund të shkaktojë një tkurrje të vitreusit, pelte që gjendet në pjesën e përparme të retinës dhe prapa therrëzave.

Rregulla të vlefshme për tërë vitin

Kur është nxehtë dhe kur djersitni shumë, e dini që humbni lëngje më lehtë. Nuk është rastësi që është në verë, për shembull, që ka një incidencë më të lartë të rasteve të shkëputjes së retinës. Megjithatë, edhe në dimër, rreziku mbetet i lartë. Nëse merreni me sport, nëse jetoni në ambiente shumë të nxehta ose në muajt e ftohtë ndjeni më pak të etur dhe për pasojë përfundoni duke pirë pak ujë. Dhe kështu, rreziku i dehidratimit rritet.

Sytë duhet të mbrohen gjithmonë

Sytë janë një organ themelor dhe delikat. Ju duhet t’i mbroni ata nga dielli dhe të kujdeseni për ta, edhe duke pirë shumë ujë. “Të kesh sy të shëndetshëm gjithashtu varet nga një ekuilibër korrekt i lëngjeve në trup”, shpjegon Dr. Elisabetta Bernardi, specialiste biologe.

Tetë deri në dhjetë gota në ditë

Cila është sasia e rekomanduar e ujit për të pirë në verë dhe dimër? Ekspertët rekomandojnë që të pini të paktën tetë deri në dhjetë gota ujë çdo ditë. Kështu jeni të sigurt që nuk rrezikoni nga dehidratimi, i cili është gjithashtu i rrezikshëm për shëndetin e syve.

Nuk ka lot dhe ndryshon presioni

“Pa ujë – vazhdon Bernardi – kanalet e lotëve zvogëlojnë prodhimin e tyre dhe sytë humbin vajosjen e nevojshme për të funksionuar si duhet.” Një element tjetër i rëndësishëm i syrit, është një lëng i kripur i përbërë nga 98% ujë që mbart substanca të rëndësishme dhe të nevojshme për funksionimin korrekt të syrit, veçanërisht për ato zona që nuk janë të lidhura drejtpërdrejt me sistemin vaskular. Shërben gjithashtu për të mbajtur të qëndrueshëm presionin intraokular, për t’u mbrojtur nga patogjenët dhe luan një rol të rëndësishëm në kalimin e dritës”.

Syri përbëhet nga indet, siç janë kornea dhe vitreusi, të cilët përbëhen nga më shumë se 90% ujë. Nëse kemi një reduktim të përmbajtjes së lëngjeve në trupin tonë, ky përqendrim mund të ndryshojë. Dhe shikimi vuan menjëherë

Lexo edhe: Pasojat indirekte të Covid 19, fëmijëve po u dëmtohet shikimi