Prej 11 muajsh, këngëtari Mozzik ka përjetuar gëzimin më të madh të jetës së tij, atë të të bërit prind i vogëlushes që u pagëzua me emrin Hana. Ditën e djeshme, afër ditëlindjes së parë të vajzës ai i ka bërë dedikimin më të bukur që mund t’i ketë bërë në këto muaj të jetës me të.
Një tatuazh dedikuar tërësisht vogëlushes, pasi në parakrahun e tij do të qëndrojë i gdhendur përjtësisht portreti i Hanës së vogël.
Vetë këngëtari ka postuar foto të tatuazhit në profilin e tij në Instagram duke falënderuar personin që e ka përjetësuar këtë imazh të Hanës në trup.
Por, një detaj që na ka bërë kuriozë të gjithëve, përfshirë edhe komentuesit ka qenë fakti se Mozzik ka zgjedhur që këtë tatuazh ta bëjë me Hanën duke lotuar nga njëri sy.
Me siguri edhe ky detaj ka një domethënie të veçantë për artistin.
Për të lënë një koment ju duhet të jeni regjistruar Identifikohu